Къадылар 21:2 - Мукъаддес Китап

² Сонъ исе исраиллилер Бет-Эльге келип, РАББИнинъ огюнде отурып, акъшамгъадже окюр-окюр агъладылар.

Къадылар 21:2 Referans Kwoze

Къадылар 20:26

Сонъ исраиллилер бутюн ордусынен Бет-Эльге кеттилер. Анда РАББИнинъ огюнде отурдылар, бутюн кунь акъшамгъадже агълады ве ашамады-ичмедилер. Къурбанлар чалып, РАББИ ичюн оларны бутюнлей якътылар, аманлыкъ къурбанларыны да кетирдилер.

Къадылар 20:18

Исраиллилер Бет-Эль шеэрине келип, Алладан: – Бизни Биньямин къабилесине къаршы ким алып бараджакъ? – деп сорадылар. РАББИ джевап берип: – Сизлерни Ехуда алып бараджакъ, – деди.

1 Падишалар 30:4

Давут ве адамлары яйгъара котерип, агълап башладылар, кучю къалмагъандже агъладылар.

Къадылар 21:12

Явеш-Гилад сакинлери арасында акъай эли тиймеген 400 къыз тапылды. Оларны Ханаандаки Шилогъа, исраиллилернинъ ордусына кетирдилер.

Къадылар 20:23

Исраиль огъуллары кетип, акъшамгъадже РАББИнинъ огюнде агъладылар ве Ондан: «Къардашларымыз биньяминлилернен дженкни девам этейикми, ёкъмы?» – деп сорадылар. РАББИ джевап берип: «Оларнен дженклешинъиз!» – деди.

Къадылар 2:4

Алланынъ Мелеги бу сёзлерни Исраиль огъулларына айткъан сонъ, халкъ къычырып агълап башлады.

Нун огълу Ехошуа 18:1

Исраиль огъулларынынъ бутюн джемааты Шилода топлашып, анда Корюшюв Чадырыны къойдылар. Бутюн топракъ энди оларнынъ къолунда эди.

Башланув 27:38

Лякин Исав бабасына: – Бабам, аджеба, сенинъ тек бир дане багъышлавынъ бар эдими? Бабам, мени де багъышла, – деди ве юксек сеснен агълап башлады.

Къадылар 21:3

– Я РАББИ, Исраильнинъ Алласы! Не ичюн Исраильде буларнынъ эписи олып кечти? Энди Исраильнинъ бир къабилеси эксик олды! – дедилер.

1 Падишалар 11:4

Эльчилер Шаул яшагъан Гивагъа келип, халкъкъа эр шейни айтып бердилер. Бутюн халкъ яйгъара котерип агълады.