Къадылар 21:12 - Мукъаддес Китап

¹² Явеш-Гилад сакинлери арасында акъай эли тиймеген 400 къыз тапылды. Оларны Ханаандаки Шилогъа, исраиллилернинъ ордусына кетирдилер.

Къадылар 21:12 Referans Kwoze

Нун огълу Ехошуа 18:1

Исраиль огъулларынынъ бутюн джемааты Шилода топлашып, анда Корюшюв Чадырыны къойдылар. Бутюн топракъ энди оларнынъ къолунда эди.

Йирмея 7:12

– Башында Адымны ерлештирген ериме Шилогъа кетинъиз, Исраиль халкъымнынъ яманлыгъы ичюн онъа не япкъанымны корюнъиз.

Къадылар 20:23

Исраиль огъуллары кетип, акъшамгъадже РАББИнинъ огюнде агъладылар ве Ондан: «Къардашларымыз биньяминлилернен дженкни девам этейикми, ёкъмы?» – деп сорадылар. РАББИ джевап берип: «Оларнен дженклешинъиз!» – деди.

Къадылар 20:18

Исраиллилер Бет-Эль шеэрине келип, Алладан: – Бизни Биньямин къабилесине къаршы ким алып бараджакъ? – деп сорадылар. РАББИ джевап берип: – Сизлерни Ехуда алып бараджакъ, – деди.

Къадылар 21:8

Олар бири-бирлеринден: – Исраиль къабилелеринден Мицпагъа, РАББИнинъ огюне турмагъа кельмеген бир кимсе ёкъ экенми? – деп сорап башладылар. Сорап, не бильсинлер: Явеш-Гиладдан кимсе ордугъа къошулмагъан, кимсе топлашувгъа кельмеген экен.

Къадылар 21:11

Эмиримиз бойле: анда эписи акъайларны ве акъай къолу тийген къадынларны айырып ёкъ этинъиз!

Къадылар 21:13

Сонъ Исраиль джемааты, Риммон къаясында сакъланып отургъан Биньямин аскерлерине эльчилер йиберип, барышыкъ илян эттилер.