Къадылар 18:2 - Мукъаддес Китап

² Дан огъуллары бутюн къабилесинден Цора ве Эштаол шеэринден олгъан беш кучьлю аскерни сайлап, оларны шу мемлекет акъкъында эр шейни бильмек ичюн ёлладылар. – Барынъыз да, бу мемлекет акъкъында эр шейни билип келинъиз, – дедилер шу беш аскерге. Олар Эфраим дагъларына, Микъанынъ эвине кельдилер. Анда геджелемеге къалдылар.

Къадылар 18:2 Referans Kwoze

Къадылар 13:25

Цора ве Эштаол арасындаки Махане-Данда Шимшоннынъ ичинде РАББИнинъ Руху арекет этип башлады.

Нун огълу Ехошуа 2:1

Нун огълу Ехошуа Шиттимде ерлешкен ордудан топракъны гизлиден бакъып кельмеге эки акъайны ёллап, оларгъа: – Барып, бу топракъны ве Ерихон шеэрини козьден кечиринъиз, – деди. Олар ёлгъа чыкътылар. Рахав адлы ороспунынъ эвине келип, анда геджелемеге къалдылар.

Къадылар 18:11

Дан къабилесининъ алты юз аскери дженкке азырланып ве силяланып, Цора ве Эштаолдан чыкътылар.

Къадылар 18:8

Беш аскер озь къабилесине, Цора ве Эштаол шеэрлерине къайтып кельген сонъ, агъа-къардашлары олардан: – Сонъ, не хабер? – деп сорадылар.

Сайылар 13:17

Топракъны бакъмакъ ичюн Мусанынъ ёллагъан адамлары булар эди. Муса Нуннынъ огълу Хошеагъа Ехошуа адыны берди.

Лука 14:31

Бир падиша башкъа падишагъа къаршы дженк этмеге азырланса, он бинъ аскеримнен манъа къаршы кельген падишанынъ йигирми бинъ аскеринен дженклешмеге кучюм етер экенми, деп башта отурып тюшюнмек керек.

Икметли сёзлер 20:18

Акъыл танышкъанда ниетлер ерине келир, бойлеликнен, насиатны динълеп, дженк эт.

Къадылар 19:18

– Биз Ехудадаки Вифлеем шеэринден Эфраим дагъларынынъ узакъ тарафына кетемиз, чюнки мен анда яшайым. Мен Ехудадаки Вифлеемге бардым, энди исе Алланынъ Эвине къайтам. Мени кимсе озь эвине давет этмей!

Къадылар 19:1

О заманларда Исраильнинъ падишасы ёкъ эди. Эфраим дагъларынынъ этеклеринде бир левийли яшай эди. О, озюне апай оларакъ Ехудадаки Вифлеемден бир джарие алды.

Къадылар 16:31

Шимшоннынъ агъа-къардашлары, бутюн союнен берабер келип, онынъ олюсини алып кеттилер. Оны алып кетип, Цора ве Эштаол арасында, бабасы Маноахнынъ къабринде дефн эттилер. Шимшон йигирми йыл девамында Исраильнинъ къадысы олды.

Къадылар 13:2

О заманларда бир адам яшай эди. О, Дан къабилесинден Цора шеэринден эди. Ады Маноах эди. Онынъ апайы юкке къалып, бала догъурып оламай эди.

Нун огълу Ехошуа 19:41

Оларнынъ топракъларында бойле шеэрлер бар эди: Цора, Эштаол, Ир-Шемеш,

Башланув 42:9

Юсуф олар акъкъында корьген тюшлерини хатырлады ве оларгъа: – Сиз джасуссынъыз, – деди. – Бу мемлекетнинъ зайыф ерлерини бильмек ичюн кельдинъиз.

Нун огълу Ехошуа 15:33

Алчакълыкъта олгъан шеэрлер булардыр: Эштаол, Цора, Ашна,

Къадылар 17:1

Эфраим дагъларында Микъа адлы бир адам бар эди.

Къадылар 18:3

Олар Микъанынъ эви янында олгъанда, яш левийлининъ сесини эшитип, оны таныдылар. Ичери кирип сорадылар: – Сени мында ким кетирди? Мында не япасынъ, ненен огърашасынъ?

Нун огълу Ехошуа 2:2

Ерихоннынъ падишасына: «Мына бу геджеси мында Исраиль огъулларындан насылдыр адамлар бизим топрагъымызны корьмек ичюн кельдилер», – деп етиштирдилер.

Къадылар 18:13

Андан чыкъып, олар Эфраим дагъларына ёл алдылар ве Микъанынъ эвине еттилер.