Къадылар 10:4 - Мукъаддес Китап

⁴ Яирнинъ отуз огълу бар эди, эр бирининъ озь эшеги бар эди, ве отуз кою бар эди. Бу койлер шимдиге къадар Хаввот-Яир деген адны ташый; олар эписи Гилад топрагъындадыр.

Къадылар 10:4 Referans Kwoze

Сайылар 32:41

Менашшенинъ огълу Яир кетип, аморлыларнынъ чадыр койлерини басып алды ве оларны Хаввот-Яир деп адландырды.

Къадылар 12:14

Онынъ къыркъ огълу ве отуз торуны бар эди. Олар етмиш дане эшекке минип юре эдилер. О, секиз йыл девамында Исраильнинъ къадысы олды.

Къадылар 5:10

Эй, бем-беяз эшеклерде кеткенлер, паалы эгерлерде отургъанлар, ёллардан джаяв кеткенлер, дикъкъат этинъиз!

Къануннынъ текрары 3:14

Менашшенинъ къабилесинден олгъан Яир гешурлыларнен ве маакъалыларнен сынъыргъа къадар бутюн Аргов виляетини алды. Башан ерини о, озь адынен Хаввот-Яир адландырды. Бугуньгедже бу онынъ адыдыр.

Къадылар 10:3

Ондан сонъ гиладлы Яир ёлбашчы олды. О, 22 йыл девамында Исраильнинъ къадысы эди.

Къадылар 10:5

Яир ольди ве Къамонда дефн этильди.

2 Падишалар 16:2

Падиша Цивадан: – Буларны не ичюн кетирдинъ? – деп сорады. Цива падишагъа: – Эшеклер – падишанынъ эвиндекилерине минмек ичюн, отьмек ве емишлер – йигитлерге ашамагъа, шарап – сахрада ёрулгъанларгъа ичмек ичюн, – деди.

Зекерья 9:9

Эй, Сион къызы, чокъ къуван! Къуванчтан къычыр, эй, Ерусалим къызы! Мына, сенинъ падишанъ санъа келе! О, къабаатсыз. О, къуртарув бере. О, алчакъгонъюлли, эшек устюнде, эшек баласы устюнде отура!