Иуда 1:21 - Мукъаддес Китап

²¹ озюнъизни Алланынъ севгисинде сакъланъыз, Раббимиз Иса Месихнинъ мераметини, О, береджек эбедий омюрни бекленъиз.

Иуда 1:21 Referans Kwoze

1 Юхан 4:16

Алланынъ бизге олгъан севгисини бильдик ве бунъа инандыкъ. Алла – севгидир. Севгиде булунгъан адам Аллада булуна, ве онда Алла булуна.

2 Пётр 3:12

Сиз Алланынъ кунюни беклейсинъиз ве онынъ келювини тезлештиресинъиз. О куню коклер янып ёкъ оладжакъ, эсас шейлер къызып, ирип кетеджеклер.

Еудийлерге 9:28

Месих де, чокъ адамларнынъ гуналарыны Озь бойнуна алмакъ ичюн, бир кере къурбан олды. Экинджи сефер кельгенде, кене гуналарны ёкъ этмек ичюн дегиль, Оны беклегенлерге къуртулыш кетирмек ичюн келеджек.

Сырларнынъ ачылувы 12:11

Олар оны Къозунынъ къанынен ве Онынъ акъкъында хаберинен енъдилер. Олар озь джанларыны аджымадылар ве ольмеге азыр олдылар.

2 Тессалоникелилерге 3:5

Рабби юреклеринъизни Алланынъ севгисине ве Месихнинъ сабырына догърултсын.

Римлилерге 6:23

Гуна япып, тек олюм къазанмакъ мумкюн. Алла берген бахшыш исе – Раббимиз Иса Месихнен берабер эбедий омюрдир.

Юхан 14:21

Меним эмирлеримни тутып беджерген адам Мени севе. Мени севген адамны Бабам да севеджек. Мен де оны севеджем ве онъа Озюмни косьтереджем, – деди Иса.

2 Тимотейге 4:8

Энди мени инсафлыкъ таджы беклей. Оны манъа адалетли къады олгъан Рабби о куню береджек, ве тек манъа дегиль, Онынъ келювини севгинен беклегенлернинъ эписине де береджек.

2 Тимотейге 1:2

севимли огълум Тимотейге: Алла Баба ве Раббимиз Иса Месих санъа эйилик, мерамет ве тынчлыкъ-аманлыкъ берсин!

Римлилерге 5:21

гуна олюмнен падишалыкъ эткени киби, Алланынъ эйилиги де, Раббимиз Иса Месих аркъалы эбедий омюр берсин деп, инсафлыкъ ярдымынен падишалыкъ этип башлады.

1 Юхан 5:18

Алладан догъулгъан эр бир адам гуна ичинде яшамагъаныны билемиз. Оны Алладан Догъулгъан къорчалай; яман онъа тиймей.

Римлилерге 5:5

Ишанч исе бизни алдатмаз, чюнки бизге берильген Мукъаддес Рух юреклеримизни Алланынъ севгисинен толдурды.

Фаалиет 11:23

Барнаба о ерге кельгенде, Алланынъ мераметини корип къуванды. Раббиге бутюн гонълюнен берилинъиз деп, эписини чагъырды.

Иуда 1:24

Сизлерни йыкъылувдан сакъламагъа, Озюнинъ Шурети огюне сизни къабаатсыз алда буюк къуванчнен къоймагъа Бильгенге,

1 Юхан 5:21

Балалар, путлардан сакъынынъыз.

2 Тимотейге 1:18

Рабби онъа о куню мерамет тапмагъа ёл берсин. Эфес шеэринде о манъа не къадар хызмет эткенини озюнъ яхшы билесинъ.

Юхан 1:17

Алла Озь Къануныны Мусанен берген эди, эйилигини ве акъикъатыны исе Иса Месихнен ачып косьтерди.

Эюп акъкъында китап 14:14

Адам ольген сонъ, сагъ олурмы? Хызметимнинъ бутюн куньлеринде денъишмелер вакътыны беклерим.

1 Тимотейге 1:2

Тимотейге, иманда акъикъий огълума: Алла Баба ве Раббимиз Иса Месих санъа эйилик, мерамет ве тынчлыкъ-аманлыкъ берсин!

2 Тимотейге 1:16

Рабби Онисифорнынъ эвине мерамет этсин, чюнки о, чокъ кере меним гонълюмни алды ве зынджырларымдан утанмады,

Иуда 1:1

Иуда, Иса Месихнинъ къулу ве Якъупнынъ къардашы, – Алла Баба севген ве Иса Месих сакълагъан, Алла чагъыргъан адамларгъа:

Иуда 1:22

Шубеленген адамларгъа мераметли олунъыз.