Йирмея 8:16 - Мукъаддес Китап

¹⁶ Душман атларынынъ хырылдысы Дандан эшитиле, айгъырларнынъ кишнемесинден бутюн ер юзю титрей. Душманлар келеджек, эм мемлекетни ве устюндеки эр шейни, эм шеэрни ве анда эписи яшагъанларны ёкъ этеджек.

Йирмея 8:16 Referans Kwoze

Къадылар 18:29

Шеэрнинъ адыны «Дан» къойдылар. Бу ад данлыларнынъ деделери олгъан Исраиль огъулларындан бирисининъ ады эди. Шеэрнинъ эвельки ады исе Лаиш эди.

Къадылар 5:22

Атлар туякъларынен ерни урдылар, къудретли атлар чаптылар.

1 Коринтлилерге 10:28

Амма насылдыр бир адам сизлерге: «Бу аш къурбан я да бахшыш оларакъ бир путкъа багъышлангъандыр», – десе, шуны бильдирген адамны ёлдан урмасын деп ве видждан раат олсун деп, буны ашаманъыз.

1 Коринтлилерге 10:26

Ер юзю ве онда яшагъанларнынъ эписи – РАББИнинъдир!

Хавакъкъукъ 3:10

Сени корьгенде, дагълар къалтырады, коклерден ягъмурлар ягъды. Буюк теренлик окюрди, тюпсюзлик къолларыны котерди.

Нахум 3:2

Къамчы къакъылмасы ве айлангъан копчеклернинъ сеси, ат туякъларынынъ патырдысы ве дженк арабасынынъ гудюрдиси эшитиле.

Йирмея 47:3

Кучьлю атларнынъ котерген тапырдысы, ат арабаларынынъ шаматасы, копчеклернинъ гудюрдиси эшитиледжек. Бабалары балаларына айланып бакъмайджакъ, эллеринде кучь къалмайджакъ.

Йирмея 10:25

Сени бильмеген халкъларгъа гъазабынъны тёк, Адынъны чагъырмагъан миллетлерге ачувынъны ягъдыр. Олар Якъупны ашадылар, оны ашап битирип, ёкъ эттилер, яшагъан ерини харап эттилер.

Йирмея 6:23

къолларында мызракънен яй туталар, олар шефкъатсыз ве мераметсизлер, сеслери денъиз гудюрдиси кибидир. Сеннен дженк этмек ичюн, эй, Сион къызы, бир адам киби тизилип, ат чаптыралар.

Йирмея 4:24

Дагъларгъа бакътым, иште, тепренелер, бутюн байырлар къалтырайлар.

Зебур 24:1

Я РАББИ, джаным Сени чагъыра!

Къадылар 20:1

Эписи исраиллилер, бутюн джемаат – Дандан Беэр-Шевагъадже яшагъан халкъ ве Гиладнынъ сакинлери – эписи, бир адам киби, Мицпа шеэринде РАББИнинъ огюнде топлаштылар.

Эюп акъкъында китап 39:20

Оны сарынчкъа киби секирмеге огреткен сенсинъми? Бурун къапакъларынынъ хырылдысынен къоркъу сачар!

Йирмея 3:24

Яшлыгъымыздан башлап, деделеримизнинъ эмегини, къой-эчкилеримизни ве туварларымызны, огъул ве къызларымызны арам шейлер ашады.

Йирмея 5:17

Олар бутюн берекетинъизни ве ашларынъызны ашайджакълар, огъулларынъызны ве къызларынъызны ольдюреджеклер, къой-эчкилеринъизни ве малынъызны ашап битиреджеклер, юзюм ве инджирлеринъизни ашап къояджакълар, сиз ишангъан къавийлештирильген шеэрлеринъизни къылычларнен йыкътыраджакълар.

Йирмея 30:5

РАББИ бойле дей: – Къоркъу ве дешет сесини эшиттик, тынчлыкъ-аманлыкъ ёкъ.

Йирмея 30:16

Амма сени ашагъан эр кес озьлери аш оладжакъ; бутюн душманларынъ эсирликке кетеджек; сени талагъанлар озьлери таланаджакълар; сени чайпагъан эр кес озьлери чайпаланаджакъ!

Йирмея 50:42

къолларында яй ве мызракъ туталар, олар шефкъатсыз ве мераметсиздир. Сеслери, денъиз киби, шамата къопаралар; аскерлер атларында секирелер, бир адам киби, сыра-сыра тизилелер, санъа къаршы, эй, Вавилон халкъы, дженкнен чыкъалар.

Йирмея 51:29

Ер юзю сарсыла ве титрей, РАББИнинъ ниети ерине келе, Вавилон топрагъы бакъымсыз, адамсыз ер оладжакъ.

Йирмея 4:7

Арслан ормандан еринден чыкъа, халкъларны харап этмеге келе, мемлекетинъизни бош ве бакъымсыз этмек ичюн, озь еринден чыкъа. Шеэрлеринъ йыкъыладжакъ, адамсыз къаладжакъ.