Йирмея 6:4 - Мукъаддес Китап

⁴ – Онъа къаршы азиз дженкке азырланынъыз, турунъыз, уйледе ёлгъа чыкъайыкъ! – Вай-вай-вай, башымызгъа беля! Кунь къарарып башлады, акъшам кольгелери кет-кете узаналар.

Йирмея 6:4 Referans Kwoze

Йирмея 15:8

Тул къадынлары денъиз къумундан чокъ олды, уйле вакътында йигитлернинъ аналарына къаршы гъайып этиджини ёлладым, къоркъу ве дешет оларны апансыздан къаплады.

Цефанья 2:4

Гъаза бом-бош къаладжакъ, Ашкелон да йыкъыладжакъ, Ашдод купе-куньдюз сюргюн этиледжек, Экрон да бутюнлей ёкъ этиледжек.

Ёэль 3:9

Халкълар арасында буны илян этинъиз: Дженкке азырланынъыз! Батырларны котеринъиз! Эписи аскерлер кельсинлер, дженкке чыкъсынлар!

Йирмея 8:20

– Оракъ вакъты кечти, яз битти, биз исе къуртулмадыкъ.

Йирмея 5:10

Диварларына тырмашынъыз, эр шейни йыкъынъыз, амма бутюнлей ёкъ этменъиз. Багъчаларыны харап этинъиз, олар энди РАББИнинъ дегиль.

Энъ яхшы йыр 2:17

Танъ атмаздан, къаранлыкъ гъайып олмаздан эвель, къайт, севгилим! Дагъларнынъ чатлакъларында бир гъазель киби, яш сыгъын киби, тез ол.

Йирмея 6:23

къолларында мызракънен яй туталар, олар шефкъатсыз ве мераметсизлер, сеслери денъиз гудюрдиси кибидир. Сеннен дженк этмек ичюн, эй, Сион къызы, бир адам киби тизилип, ат чаптыралар.

Йирмея 15:9

Еди балалы къадын эсини джойып, сонъки нефесини ала. Даа куньдюз олгъанда, кунеши батты, утанды, масхара олды. Сагъ къалгъанларны душманларгъа береджегим, олар къылычнен ольдюриледжеклер, – дей РАББИ.

Овадья 1:1

Овадьянынъ руясы. РАББИ-ТААЛЯнынъ Эдом акъкъында айткъанлары будыр. – Биз РАББИден бир хабер алдыкъ, халкъларгъа хаберджи ёллангъан: «Турунъыз, Эдомгъа къаршы дженкке чыкъайыкъ!»

Эюп акъкъында китап 7:2

Талдада раатланмакъ ичюн айырылгъан вакъытны къул сабырсызлыкънен беклегени дайын, ыргъат да иш кунюнинъ акъкъыны беклей.

Микъа 3:5

РАББИ яланджы пейгъамберлер акъкъында шойле дей: – Олар Меним халкъымны ёлдан уралар, оны тишлеринен тишлейлер. Ким оларны ашатса, онъа аманлыкъ ваде этелер, ким исе агъызларына бир шей къоймаса, онъа къаршы дженк башлайлар.