Йирмея 49:10 - Мукъаддес Китап

¹⁰ Мен исе Исавны чыр-чыплакъ этерим, гизли ерлерини ачарым, сакъланып оламайджакъ! Эвлятлары, агъа-къардашлары, къомшулары – эписи гъайып олды, озьлери ёкъ олды.

Йирмея 49:10 Referans Kwoze

Ешая 17:14

Акъшам дешет келеджек, саба ачылгъандже олар гъайып олып кетеджеклер. Бизни чайпагъанларнынъ такъдири, бизни талагъанларнынъ къысмети ойледир.

Римлилерге 9:13

Язылгъаны киби: «Мен Якъупны севдим, Исавны исе кореджек козюм олмады».

Овадья 1:9

– Эй, Теман ери, сенинъ джесюр аскерлеринъ пек къоркъаджакълар, Исавнынъ дагъларында булунгъанларнынъ эписи ольдюриледжек.

Амос 9:3

Къармел дагъынынъ тёпесинде сакълансалар, анда да оларны тапып, тутаджагъым. Козюмнинъ огюнден денъизнинъ тюбюнде гизленселер, денъиз йыланына оларны тишлемеге буюраджагъым.

Йирмея 23:24

– Адамлар Меним козьлеримден гизли ерге сакъланып олурмы? – дей РАББИ. – Мен коклернен ерни толдурмайыммы? – дей РАББИ.

Ешая 45:3

санъа къаранлыкъта сакълагъан хазинелерни, гизли байлыкъларны береджегим. Сонъра сен биледжексинъ ки, Мен – РАББИм, Исраильнинъ Алласыдырым, сени адынънен чагъырам.

Йирмея 13:26

Шунынъ ичюн урбанънынъ этеклигини чыкъараджагъым, бетинъе къадар котереджегим, аврет ерлеринъни ачыкъ этеджегим.

Агълав йырлары 4:22

Эй, Сион къызы! Гуналарынъ ичюн джеза битти, Рабби сени бир даа сюргюн этмейджек. Эдом къызы исе! Къабаатларынъ ичюн Рабби сени джезалайджакъ, гуналарынъны мейдангъа чыкъараджакъ.

Овадья 1:6

Амма Исавнынъ эр шейи хырсызланыр, гизли хазинелери акътарылыр!