Йирмея 47:7 - Мукъаддес Китап

⁷ Амма ятышмакънынъ чареси бармы? Ашкелон шеэринде ве денъиз ялысында яшагъанларны уджюм этмеге РАББИ буюрды! Оны анда РАББИ ёллады!

Йирмея 47:7 Referans Kwoze

Микъа 6:9

РАББИ шеэрни чагъыра. Сенинъ Адынъдан къоркъмагъа – акъыллы шейдир. Къолунда падишанынъ акимиети олгъанны ве шу акимиетни онъа берген Биревнинъ сёзлерини динъленъиз.

Ехезкель 14:17

Я да эгер Мен шу мемлекетке дженк йиберсем ве: «Къылыч мемлекетни ярсын, мемлекеттеки инсанларны ве айванларны ёкъ этсин», – десем,

Ешая 10:6

Оны имансыз миллетке, Мени ачувландыргъан халкъкъа къаршы ёллайджагъым; оны бутюнлей чайпамагъа, эр шейини тартып алмагъа, оны, сокъакътаки чамурны киби, таптамагъа буюраджагъым.

Амос 3:6

Шеэрде телюке сигналыны бору чалгъанда, халкъ къоркъмазмы? РАББИнинъ разылыгъы олмайып, бир шеэрнинъ башына беля тюшерми?

Ехезкель 25:16

Шунынъ ичюн РАББИ-ТААЛЯ шойле дей: Бакъ, Мен фелестинлилерге къаршы къолумны узатаджагъым ве эм керетлилерни, эм денъиз ялы боюнда къалгъанларнынъ эписини ёкъ этеджегим.

Ешая 37:26

Бутюн буларны Мен чокътан япкъаным акъкъында эшитмединъми сен? Къадимий заманларда буны Мен яздым. Шимди исе къавийлештирильген шеэрлерни сенинъ къолларынънен ёкъ эттим.

Ешая 13:3

Мен сайлагъан азизлериме эмир бердим, гъазабымны ерине кетирмек ичюн, батырларымны, буюклигиме къувангъанларны чагъырдым.

1 Падишалар 15:3

Энди бар да, амалеклилерге уджюм эт, онынъ эр бир шейини ёкъ эт. Оларны аджыма. Акъаймы, апаймы, генчми, къундакътаки баламы, бугъамы, къоймы, девеми, эшекми, – эписини ольдюр».

Йирмея 48:10

РАББИнинъ ишини абул-къубул эткен лянет олсун! Къан тёкмектен къылычыны токътаткъан да лянет олсун!

Ехезкель 21:30

Къылыч къынына къоюлсын! Яратылгъан еринъде, догъгъан топрагъынъда сени суд этеджегим.

Ехезкель 21:9

– Инсан огълу! Пейгъамберлик эт де айт: Рабби шойле дей: Къылыч, къайралгъан къылыч парылдай.

Ехезкель 21:14

Сен исе, инсан огълу, пейгъамберлик эт, элинъни элинъе ур. Къылыч эки кере, учь кере урсун. Бу къылыч – кесмек ве ольдюрмек ичюн къылычтыр. Бу къылыч – буюк кесюв ичюндир, терен далгъан къылычтыр о.