Йирмея 4:16 - Мукъаддес Китап

¹⁶ Халкъларгъа бильдиринъиз, Ерусалимни хабердар этинъиз ки, узакъ мемлекеттен алкъагъа аладжакъ аскерлер келелер, Ехуда шеэрлеринде къычыралар,

Йирмея 4:16 Referans Kwoze

Ехезкель 21:22

Онынъ сагъ къолунда «Ерусалимге кетмек» деген фал оладжакъ: анда диварларны йыкътыргъан алетлерни къоймакъ, уджюм этмеге буюрмакъ, дженк сигналы янъгъырамакъ, къапуларгъа къаршы диварларны йыкътыргъан алетлерни къоймакъ, диварларнынъ янында топракъ обаларыны япмакъ ве уджюм къуллелерни къурмакътыр.

Йирмея 5:15

Бакъынъыз, Исраиль халкъы! Узакътан сизге къаршы бир халкъны, кучьлю, къадимий бир халкъны кетиреджегим, – дей РАББИ. – Сиз оларнынъ тилини бильмезсиз, не дегенлерини анъламазсыз.

Ешая 39:3

Ешая пейгъамбер, Хизкия падишагъа келип, ондан: – Бу адамлар нелер айттылар, олар санъа къайдан кельдилер? – деп сорады. Хизкия исе: – Узакъ мемлекеттен, Вавилондан кельдилер, – деп джевап берди.

Йирмея 50:2

– Халкъларгъа хабер этинъиз ве бильдиринъиз! Байракъ котерип, илян этинъиз, гизлеменъиз! «Вавилон алынды, – айтынъыз, – Бел алласы масхара олды, Меродакъ алласы йыкъылды, путлары масхара олды, аллалары чиль-парча олды».

Йирмея 39:1

Цидкия докъузынджы йыл Ехудада падишалыкъ эткенде, онунджы айында Вавилон падишасы Невукъаднеццар бутюн ордусынен Ерусалимге кельди ве оны сарып алды.

Йирмея 31:10

РАББИнинъ сёзюни динъленъиз, эй, халкълар! Четте къалгъан адаларгъа хабер этип: «Исраильни ким дагъыткъан олса, о да оны топлайджакъ, чобан озь айванларыны киби, оларны къорчалайджакъ», – айтынъыз.

Йирмея 16:6

– Бу мемлекетте буюклер де, кучюклер де оледжек, комюльмейджеклер. Олар ичюн агъламайджакълар; къасеветнен беденини яралагъан, башыны тыраш эткен сою олмайджакъ.

Йирмея 6:18

Бойлеликнен, миллетлер, динъленъиз! Эй, джемаат, башларына нелер келеджегини билинъиз!

Йирмея 5:6

Онынъ ичюн ормандан арсланлар чыкъып, оларгъа атыладжакъ, сахрадаки къашкъырлар парчалайджакъ, шеэрлерининъ огюнде оларны леопардлар беклейджек, андан чыкъкъан эр кес парчаланаджакъ. Акъсыз ишлери пек чокълашты, хиянетлиги пек буюк олды.

Йирмея 4:17

чёль къаравуллары киби, Ерусалимнинъ чевресини саралар. – Шеэр Манъа къаршы чыкъты, – дей РАББИ. –

Йирмея 2:15

Яш арсланлар онъа къаршы ырылдады, сес чыкъарды ве топрагъыны харап этти; шеэрлери якъылды, адамсыз къалды.

Ешая 34:1

Эй, миллетлер, динълемек ичюн, якъынлашынъыз! Эй, халкълар, къулакъ асынъыз! Ер юзю ве ер устюнде яшагъан эр шей, дюнья ве анда эписи догъгъанлар, динъленъиз!

Йирмея 1:15

Бакъ, Мен шималь падишалыкъларынынъ бутюн халкъларыны чагъыраджагъым, – дей РАББИ. – Олар келип, Ерусалим къапуларынынъ янында, диварларынынъ чевре-четинде, бутюн Ехуда шеэрлеринде тахтларыны къояджакълар.

Йирмея 8:19

Иште, узакъ мемлекеттен халкъымнынъ къызы къычыра: «Сионда РАББИ ёкъмы, аджеба? Падиша анда дегильми?» – Ябанджы бош путларынен Мени не ичюн ачувландырдылар? – дей Рабби.

Йирмея 6:19

Динъле, мемлекет! Мына, бу халкъкъа яман беляны ёллайджагъым, къара фикирлерининъ акъларыны кетиреджегим. Сёзлериме къулакъ асмадылар, Къанунымны ред эттилер де.

Йирмея 6:22

РАББИ бойле дей: – Иште, шимальден бир халкъ келе, дюньянынъ кенарындан кучьлю миллет котериле,

Йирмея 6:23

къолларында мызракънен яй туталар, олар шефкъатсыз ве мераметсизлер, сеслери денъиз гудюрдиси кибидир. Сеннен дженк этмек ичюн, эй, Сион къызы, бир адам киби тизилип, ат чаптыралар.