Йирмея 32:9 - Мукъаддес Китап

⁹ ве эмджемнинъ огълу Ханамелден Анатотта ерлешкен тарланы сатын алдым. Онъа он еди кумюш чекип бердим.

Йирмея 32:9 Referans Kwoze

Эстер 3:9

Падишанынъ истеги олса, оларны ольдюрмеге бир эмир язылсын. Мен исе ишни беджереджек адамларгъа 10 000 чувал кумюш береджегим, оларны падишанынъ хазинесине къойсунлар.

3 Падишалар 20:39

Падиша янындан кечеяткъанда, о, къычырып: – Мен, къулунъ, дженкнинъ къайнагъан еринде эдим. Бир адам четке чыкъып, манъа бир адамны кетирди ве: «Шу адамны къаравулла. Эгер о къачып кетсе, сенинъ джанынъ онынъ джаны ерине кечеджек, я да бир чувал кумюш тёлейджексинъ», – деди.

Хошеа 3:2

Бойледже, мен оны озюме он беш кумюшке, еди бучукъ чувал арпагъа сатын алдым.

Ешая 55:2

Отьмек олмагъан шей ичюн кумюшинъизни берменъиз, тойдурып оламагъан шейлер ичюн къазангъан паранъызны тёлеменъиз. Мени дикъкъатнен динъленъиз, ве яхшы шейлерни ашайджакъсынъыз, джанынъыз леззетли ашларгъа тояджакъ.

Башланув 37:28

Мидьян базиргянлары янларындан кечкенде, агъалары Юсуфны къуюдан чыкъарып, оны исмаиллилерге йигирми кумюш акъчагъа саттылар. Исмаиллилер Юсуфны Мысыргъа алып кеттилер.

Башланув 24:22

Девелер сувгъа тойгъан сонъ, хызметчи, агъырлыгъы беш грамм олгъан, бурунгъа такъылгъан алтын купе ве къызнынъ къолларына эки дане, агъырлыгъы юз грамм олгъан алтын билезлик алып,

Чыкъыш 21:32

Эгер бугъа къулны я да къадын къулны тюртип ольдюрсе, бугъанынъ сабысы оларнынъ эфендисине 30 кумюш тёлесин, бугъа исе ташнен урып ольдюрильсин.

Нехемья 5:15

Менден эвель олгъан виляет башлыкълары исе халкъкъа юк эдилер, 40 кумюш берги алып, бундан гъайры ашлыкъ ве шарап ала эдилер. Оларнынъ хызметчилери биле халкъкъа башчылыкъ япа эдилер. Амма мен, Алладан къоркъып, бойле япмадым.

Ехезкель 4:10

Эр кунь белли бир вакъытта ашайджакъ ашынъ бир чаначыкъ олсун.