Йирмея 27:14 - Мукъаддес Китап

¹⁴ Сизлерге: «Вавилон падишасына хызмет этмейджексинъиз», – деген пейгъамберлерининъ сёзлерине къулакъ асманъыз, олар сизге ялан пейгъамберлик этелер.

Йирмея 27:14 Referans Kwoze

Йирмея 14:14

РАББИ манъа: – Пейгъамберлер Меним Адымдан ялан пейгъамберлик этелер, – деди. – Мен оларны не ёлладым, не эмир бердим, не де оларгъа бир шей айттым. Олар сизге ялан руяларны, фалджылыкъны, бош шейлерни, юреклерининъ арзуларыны айтып, пейгъамберлик этелер.

Йирмея 23:21

Мен бу пейгъамберлерни ёлламадым, олар озьлери чапып кельдилер. Оларгъа ич бир шей айтмагъа буюрмадым, олар озьлери пейгъамберлик эттилер.

1 Юхан 4:1

Севгили достларым, эр бир рухкъа инанманъыз. Лякин, Алладан олгъаны я да олмагъаныны бильмек ичюн, рухларны сынавдан кечиринъиз. Дюньяда чокъ яланджы пейгъамберлер пейда олды.

Филиплердекилерге 3:2

О копеклерден сакът олунъыз! Яманлыкъ япкъанлардан сакът олунъыз! Беден кескенлерден де сакът олунъыз!

Матта 7:15

‌Ялан пейгъамберлерден сакът олунъыз! Олар сизинъ алдынъызгъа къозу терисинен къапланып келелер, лякин ичинде йыртыджы къашкъырлардыр.

Микъа 2:11

Яланджы яланлар уйдурып, бол шарап ве ички акъкъында пейгъамберлик япса, шу халкъ бойле адамны, пейгъамбер деп, саяр эди.

Йирмея 28:15

Бундан сонъ Йирмея пейгъамбер Хананья пейгъамберге: – Хананья, мында бакъ, – деди. – РАББИ сени ёлламады. Сен халкъны ялан айтып ишандырасынъ.

Йирмея 23:25

Меним Адымдан ялан пейгъамберлик эткен пейгъамберлерининъ айткъанларыны эшиттим. «Мен тюш корьдим! Тюш корьдим!» – дейлер.

Йирмея 37:19

– Сизинъ: «Вавилон падишасы сизге къаршы ве бу топракъкъа къаршы кетмез», – деп пейгъамберлик эткен пейгъамберлеринъиз къайда?

Йирмея 38:22

Бакъ! Ехуда падишасынынъ эвинде къалгъан эписи апайларны Вавилон падишасынынъ башлыкъларына алып кетелер. Олар санъа: «Ишанчлы достларынъ сени къандырдылар, сени алдаттылар, – дейлер. – Аякъларынъ балчыкъкъа батты да, олар аркъаларыны чевирип, сени ташлап кеттилер».

Агълав йырлары 2:14

Пейгъамберлеринъ санъа ялан ве бош хабер эттилер; къабаатларынъны косьтермедилер, сюргюнликтен къорчаламадылар; санъа бош яланлар айтып, сени ёлдан урдылар.

Зекерья 10:2

Эв путчыкъларнынъ лафы бош, фалджылар яланларны коре ве ялан тюшлерни анълата. Олар бош лафнен теселли бере. Онынъ ичюн, къой-эчкилер киби, долашалар, чобаны ёкъ олгъаны ичюн, хорланалар.