Йирмея 22:23 - Мукъаддес Китап

²³ Сен Ливан дагъларында яшайсынъ, юванъны кедр тереклеринде къурасынъ! Догъгъан къадыннынъ дерди киби азап башынъа тюшкенинде, не де аджыныкълы алгъа къаладжакъсынъ!

Йирмея 22:23 Referans Kwoze

Йирмея 6:24

– Олар акъкъында хабер кельгенинен, рухтан тюштик. Догъургъан къадынны киби, бизни агъры ве дерт сарды.

Йирмея 22:6

РАББИ Ехуда падишасынынъ эвине бойле дей: Сен Манъа, Гилад дагълары киби, Ливан тёпелери киби, гузельсинъ, лякин Мен сени адамсыз шеэрлерге, бакъымсыз сахрагъа чевиреджегим.

Хавакъкъукъ 2:9

Эвинъни арам алынгъан шейлернен толдурасынъ, белялардан къачмакъ ичюн юванъны юксеклерде къурасынъ. Алынъ фена!

Овадья 1:4

– Лякин сен, къартал киби, юксек котерильсенъ де, юванъны йылдызлар арасында къурсанъ да, андан да сени ашагъы тюшюририм, – дей РАББИ.

Амос 9:2

О бир дюньягъа къадар къазып етселер, къолумнен оларны андан чыкъараджагъым. Коклерге котерильселер, оларны андан тюшюреджегим.

Хошеа 7:14

Олар тёшеклеринде агълагъанда, джан-юректен Менден ярдым сорамай. Отьмек ве шарап ичюн топланалар, Менден исе узакълашалар.

Хошеа 5:15

Сонъра Мен кетип, ериме къайтаджагъым. Олар озь къабаатларыны танып, Мени къыдырмагъандже, Мен еримде къаладжагъым.

Йирмея 49:16

Сен къая чатлакъларында, байыр тёпелеринде яшадынъ, лякин шефкъатсызлыгъынъ ве юрек къопайлыгъынъ сени алдатты. Сен, къартал киби, юксек ерлерде юванъны яптынъ, амма сени андан да ашагъы тюшюририм, – дей РАББИ.

Йирмея 48:28

Эй, Моав адамлары! Шеэрлеринъизни ташлап кетинъиз, къаялар арасында сакъланынъыз! Гогерджинлер киби олып, тюпсюз чукъур устюнден юва япынъыз!

Йирмея 21:13

Эй, вадийде яшагъан, тюзлюктеки къая! Мен санъа къаршым! – дей РАББИ. – «Бизге къаршы ким чыкъаджакъ, эвлеримизге ким киреджек?» – дейсинъиз.

Йирмея 3:21

Бош тёпеликлерден бир сес, Исраиль огъулларынынъ аджыныкълы агълавы эшитиле. Олар догъру ёлдан урулдылар, РАББИни, оларнынъ Алласыны унуттылар.

Сайылар 24:21

Сонъ о, кенлилерге тараф бакъты ве кинаели икяесини айтып берди: – Сиз яшагъан еринъиз къавийдир, юванъыз къаяларда къурулгъан.

Ехезкель 17:3

Оларгъа айт: РАББИ-ТААЛЯ шойле дей: Къанатлары буюк, тюклери узун, бол, чешит ренкли буюк бир къартал Ливангъа келе ве кедрнинъ тёпесини тутып,