Йирмея 21:4 - Мукъаддес Китап

⁴ Исраильнинъ Алласы, РАББИ бойле дей: Бакъынъыз, къолунъыздаки дженк алетлеринъизни сизден аладжагъым, диварларынъызны алкъагъа алгъан Вавилон падишасына ве къасдийлилерге къаршы дженк эткен силяларынъызнынъ эписини бу шеэрнинъ ортасында топлайджагъым.

Йирмея 21:4 Referans Kwoze

Йирмея 33:5

Олар къасдийлилернен дженк этмеге кетелер, амма оларнынъ эвлери мевталаргъа толаджакълар, Мен оларны ачув ве гъазапнен ураджагъым. Бутюн эткен яманлыкълары ичюн, Мен юзюмни шеэрден чевирдим.

Йирмея 32:5

Вавилоннынъ падишасы Цидкияны Вавилонгъа алып кетеджек, ве о, Мен онъа кельмегендже, анда къаладжакъ, – дей РАББИ. – Сиз къасдийлилернен дженк этсенъиз де, енъмейджексинъиз»?

Ешая 13:4

Дагълардаки буюк шамата – буюк бир халкънынъ сеси кибидир; миллетлернинъ падишалыкълары берабер топлашты. Ордуларнынъ РАББИси озь ордусыны козьден кечире.

Ешая 5:5

Багъыма нелер япаджагъымны сизге шимди айтаджагъым: къорасыны алып ташларым – барсын оны гъайып этсинлер, диварыны йыкъарым – барсын оны таптасынлар.

Зекерья 14:2

Ерусалимге къаршы дженк этмеге бутюн халкъларны топлайджагъым. Шеэр запт этиледжек, эвлер таланаджакъ, къадынларнынъ намусына токъунаджакълар. Шеэрде яшагъанларнынъ ярысы сюргюнликке кетеджек, къалгъанлары исе шеэрде къаладжакъ, оларны ольдюрмейджеклер.

Агълав йырлары 2:7

Рабби къурбан ерини ред этти, Мукъаддес Еринден вазгечти; къавийлештирильген сарайларынынъ диварларыны душманларынынъ къолуна берди; РАББИнинъ Эвинде олар байрам куню дайын шамата эттилер.

Агълав йырлары 2:5

Рабби душман киби олды, Исраильни ёкъ этти; эписи сарайларыны харап этти, къалелерини йыкъып ташлады; Ехуда къызыны такъмакъ ве агълавгъа толдурды!

Йирмея 39:3

Вавилон падишасынынъ эписи башлыкълары Ерусалимге кирип, Орта Къапунынъ янында ерлештилер. Анда Нергъал-Сар-Эцер, Самгъар-Нево, баш везир Сар-Секим, сераскер Нергъал-Сар-Эцер ве эписи къалгъан башлыкълар бар эдилер.

Матта 22:7

Падиша пек ачувлана. Аскерлерини ёллап, адам ольдюрген джинаетчилерни ёкъ этип, шеэрни кульге чевире.

Хошеа 9:12

Балаларыны осьтюрип-буютселер де, эп бир оларны баласыз япаджагъым. Мен олардан узакълашаджакъ вакъытта башларына буюк беля олур!

Йирмея 52:18

Ибадетте къулланылгъан легенлер, куречиклер, мельте макъаслары, чанакълар, лотоклар ве бутюн бакъыр савутларны алдылар.

Ешая 10:4

Бель букип, сюргюнликке кетеджексинъиз, ольдюрилип, ерге тюшеджексинъиз. Бундан сонъ да РАББИнинъ гъазабы тынмайджакъ, къолу эп бир узатылгъандыр.

Йирмея 20:4

– РАББИ бойле дей: Бакъ! Санъа да, сени севгенлерге де къоркъунчлы шей оладжакъ. Козьлеринънинъ огюнде душманлар оларны къылычнен ольдюреджеклер. Вавилон падишасынынъ къолуна бутюн Ехуданы береджегим, о, базыларыны къылычнен ольдюреджек, базыларыны Вавилонгъа сюргюн этеджек.

Йирмея 21:3

Йирмея оларгъа бойле джевап берди: – Цидкиягъа айтынъыз:

Йирмея 32:3

Ехуданынъ падишасы Цидкия оны анда къапаткъан эди. О, Йирмеядан бойле сорады: – Не ичюн пейгъамберлик этип, бойле дейсинъ: «РАББИ айта: Бу шеэрни мытлакъа Вавилон падишасынынъ къолуна береджегим, о онынъ сабысы оладжакъ.

Йирмея 32:24

Бакъынъыз! Шеэрни алмакъ ичюн, диварлары янында топракъ обаларыны къурдылар; шеэр къылычтан, ачлыкътан ве ольдюриджи хасталыкътан чекише, онъа къаршы дженк эткен къасдийлилернинъ къолуна кече. Бутюн Сенинъ айткъанларынъ ерине келе, мына, Сен буны коресинъ!

Йирмея 35:17

Шунынъ ичюн РАББИ, Ордуларнынъ Алласы, Исраильнинъ Алласы, бойле дей: Бакъынъыз! Эвельден айткъан бутюн яманлыкъны Ехуданынъ ве Ерусалимде яшагъанларнынъ башларына тюшюририм, чюнки Мен оларгъа айткъанымда, олар динълемедилер, оларны чагъыргъанымда, джевап бермедилер.

Агълав йырлары 2:3

Къызгъын гъазабында Исраильнинъ бутюн кучьлю адамларыны къырды; душманларындан къорчаламакътан вазгечти, орталыкъны якъып йыкъкъан атеш киби, Якъупнынъ ичинде алевленип янды.

Ехезкель 39:3

Сол къолунъдан яйынъны урып тюшюреджегим, сагъ къолунъдан окъларны чыкъарып атаджагъым.