Йирмея 20:18 - Мукъаддес Китап

¹⁸ Анамнынъ къурсагъындан неге чыкътым? Дерт ве къаарь корьмеге, куньлеримни масхаралыкъ ичинде битирмегеми?

Йирмея 20:18 Referans Kwoze

Эюп акъкъында китап 3:20

Хорлангъанларнынъ, ичлери къасеветлерге толу адамларнынъ омюри неден девам этер?

Агълав йырлары 3:1

Мен – къасевет корьген адамым, РАББИ гъазапнен мени урды.

Эюп акъкъында китап 14:1

Къадын догъгъан адам аз кунь яшай, олар да гъамгъа толудыр.

Еудийлерге 13:13

Энди бизлер Онынъ масхарасыны озюмизге алып, адамлар яшагъан ерден тышкъа Онъа чыкъайыкъ,

Еудийлерге 12:2

Буны япкъанда, иман башлыгъына, иманымызны къусурсыз япкъан Исагъа козь тикейик. О, къуванчкъа ляйыкъ олса да, масхаралыкътан къачмайып, хач устюндеки олюмге кетти ве Алла тахтынынъ онъ тарафында ерлешти.

Еудийлерге 11:36

Башкъалары мыскъылларгъа ве котеклерге, эм де зынджырларгъа ве зинданларгъа даяна эдилер.

Еудийлерге 10:36

Сизлерге буюк сабыр керек. О вакъыт Алланынъ истегини беджерип, сиз Онынъ сёз бергенини аладжакъсынъыз.

2 Тимотейге 1:12

Шу себептен бу азапларны чекем. Амма мен утанмайым. Кимге инангъанымны билем; эминим ки, манъа залог оларакъ берильген ишни о куньге къадар сакъламагъа Онынъ кучю бар.

Фаалиет 5:41

Эльчилер, Рабби Исанынъ Ады ичюн масхара олдыкъ, деп къуванып, Шурадан чыкъып кеттилер.

Юхан 16:20

Сизге керчектен догърусыны айтам: сиз агълайджакъсыз ве юреклеринъиз янаджакъ, дюнья исе къуванаджакъ. Сиз дертлер чекеджексиз, лякин дертлеринъиз къуванчкъа айланаджакъ.

Агълав йырлары 1:12

Эй, сизлер, ёлдан кечкенлер! Башларынъызгъа бу тюшмесин! Бакъынъыз да корюнъиз, хасталыгъыма ошагъан хасталыкъ бармы? Бу хасталыкъны РАББИ башыма гъазабы алевленген куню ёллады!

Йирмея 8:18

Къасеветимде ич кимсе гонълюмни алмаз, юрегим такъаттан кесиле.

Ешая 51:7

Эй, адалетни бильгенлер! Эй, юреклеринде Къануным олгъан халкъ! Динъленъиз Мени! Адамлар сизни яманлагъанларындан къоркъманъыз, куфюр сёзлеринден отюнъиз патламасын!

Ешая 1:6

Баштан-аякъ сагъ еринъиз къалмады: сиярынты, яра излери, къанагъан яралар – темизленмеген, сарылмагъан, ягънен йымшатылмагъан!

Эюп акъкъында китап 14:13

Ах, мени олюлер дюньясында гизлегейдинъ, гъазабынъ кечкендже, мени сакълагъайдынъ, белли вакъыттан сонъ исе мени акъылгъа кетиргейдинъ!

Эюп акъкъында китап 5:7

Атеш ялынлары тёпеге учкъаны киби, азап чекмек де – эр кеснинъ къысметидир.

Зебур 102:3

О, бутюн къанунсызлыкъларынъны багъышлай, бутюн хасталыкъларынъны тедавийлей.

Йирмея 3:25

Утанч ичинде ятамыз, масхаралыгъымыз бизни къаплай; биз ве деделеримиз яшлыгъымыздан бу куньге къадар РАББИнинъ, Алламызнынъ огюнде гуна япа эдик, РАББИнинъ, Алламызнынъ сесине къулакъ асмай эдик.

Йирмея 15:10

Вай-вай-вай! Башыма беля! Ах, анам! Сен мени догъып, давалашкъан адам олдым, бутюн ернен къавгъалаштым! Не борджкъа бердим, не борджкъа алдым, лякин мени эр кес къаргъай.

Хавакъкъукъ 1:3

Нечюн яманлыкъны манъа косьтересинъ, нечюн бу беляларны козьлерим коре? Козюм огюнде йыкъылув ве зорбалыкъ, душманлыкъ ве къавгъалар токътамай.

3 Падишалар 19:4

Озю исе бир куньлюк узакълыгъында сахрагъа кетип, анда арча тюбюнде отурды ве озюне олюм сорап: – Етер, я РАББИ! Джанымны ал. Мен баба-деделеримден яхшы дегилим, – деди.

Йирмея 15:18

Не ичюн хасталыгъым кечмей, не ичюн ярам яхшы олмайып, шифаны къабул этмей? Алдатыджы бир чокъракъ, ишанчсыз сувлар дайын, манъа оладжакъсынъмы, аджеба?