Йирмея 17:22 - Мукъаддес Китап

²² раатлыкъ куню эвлеринъизден де юклерни чыкъарманъыз, ич бир тюрлю иш этменъиз, баба-деделеринъизге буюргъаным киби, раатлыкъ куню сизге мукъаддес куню олсун.

Йирмея 17:22 Referans Kwoze

Ехезкель 20:12

Мен оларгъа афталыкъ раатлыкъ куньлеримни тутмагъа айттым, олар бизим арамызда бельги олсунлар ве исраиллилер Мен – оларны азиз эткен РАББИ олгъанымны бильсинлер.

Ешая 58:13

– Раатлыкъ кунюни тутсанъыз, азиз кунюмде истеклеринъизден вазгечсенъиз, раатлыкъ кунюни къувачнен беклесенъиз, РАББИнинъ азиз кунюне сайгъы этсенъиз, эр вакъыттаки ишлеринъизнен огърашмасанъыз, истеклеринъизни ерине кетирмесенъиз ве бош лаф этмесенъиз,

Чыкъыш 23:12

Алты кунь ишлеринъизни этинъиз, единджи куню исе раатлыкъ куню олсун. Бугъанъызнен эшегинъиз раатлансынлар, къулунъызнынъ огълу ве кельмешек нефес алсынлар.

Сырларнынъ ачылувы 1:10

Раббининъ куню мен Рухнынъ тесиринде эдим. Аркъамдан боразан сесине ошагъан кучьлю бир сес эшиттим.

Лука 23:56

‌Эвлерине къайтып, дефн ичюн къокъулы ягъларнен мюр азырладылар. Амма раатлыкъ куню олар Къанунгъа бойсунып, бир иш япмадылар.

Лука 6:5

Сонъ девам этип: – Инсан Огълу – раатлыкъ кунюнинъ Раббисидир, – деди.

Ехезкель 22:8

Сен Меним азиз шейлеримни саймайсынъ, афталыкъ раатлыкъ куньлериме сайгъы косьтермейсинъ.

Левийлилер 23:3

Алты кунь чалышмакъ мумкюн, единджи куню исе – энъ муим раатлыкъ кунюдир, азиз топлашувдыр. Ишке янашманъыз. Эписи яшагъан ерлеринъизде бу – РАББИнинъ Адына раатлыкъ кунюдир.

Левийлилер 19:3

Эр кес ана-бабасына сайгъы бильдирсин. Раатлыкъ куньлеримни тутунъыз. Мен – РАББИм, сизинъ Алланъыз.

Нехемья 13:15

О заманда раатлыкъ кунюнде Ехудада базы адамларнынъ юзюм сыкъкъанларыны, ашлыкъ культелерини ташыгъанларыны ве эшеклернинъ устюне оларны, эм шарапны, юзюмни, инджирни, чешит тюрлю юклерни къойып, раатлыкъ кунюнде Ерусалимге алып кеткенлерини корьдим. Мен оларны шу куню ашлар саткъанлары ичюн пек серт тенбиеледим.

Йирмея 17:24

Эгер сиз Мени динълесенъиз, – дей РАББИ, – раатлыкъ куню бу шеэрнинъ къапуларындан бир тюрлю юк ташымасанъыз, бир тюрлю иш этмесенъиз, эгер раатлыкъ кунюни мукъаддес куню сайсанъыз,

Зекерья 1:4

– Деделеринъиз киби олманъыз! Эвельки пейгъамберлер оларгъа бойле айта эдилер: «Ордуларнынъ РАББИси сизлерге: “Яман ёлларынъыздан ве яман ишлеринъизден вазгечинъиз”, – дей». Лякин олар динълемедилер ве Манъа къулакъ асмадылар, – дей РАББИ.