Йирмея 15:15 - Мукъаддес Китап

¹⁵ – Я РАББИ, Сен эр шейни билесинъ! Мени акъылынъа кетир ве кель манъа, мени къувалагъанларны джезала. Чокъ сабырлы олгъанынъ ичюн, джанымны алма. Сенинъ ичюн ашалангъанымны биль.

Йирмея 15:15 Referans Kwoze

Йирмея 12:3

Я РАББИ, Сен мени билесинъ, манъа бакъасынъ, юрегимнинъ Санъа ишангъаныны сынайсынъ. Къойларны киби, оларны соймагъа айыр, ольдюрилюв кунюне азырла!

Лука 21:17

Меним Адым ичюн эписи сизден нефретленеджеклер.

Йирмея 20:12

Ордуларнынъ РАББИси! Сен догъру адамны сынайсынъ, акъылыны ве юрегини коресинъ. Оларны джезалайджагъынъны корейим, давамны Сенинъ къолунъа бердим де!

Йирмея 17:16

Сенинъ чобанынъ олмагъа ашыкъмай эдим, беля кунюни де истемедим, Сен буны билесинъ. Агъзымдан чыкъкъан эр сёзюм юзюнъ огюндедир.

Нехемья 13:22

Раатлыкъ кунюни азизликнен тутмакъ ичюн, мен левийлилерге, олар эляллансынлар ве къапуларда къаравул оларакъ турсунлар, дедим. Аллам! Бу ишимни де акълынъда тут, Сенинъ буюк севгинъ ичюн мени аджы!

Матта 10:22

Меним Адым ичюн эписинде сизлерни кореджек козю олмаз. Лякин сонъунадже сабыр эткен адам къуртуладжакъ.

Йирмея 20:8

Лафымны башлар-башламаз, зорбалыкъ акъкъында багъырам, хырсызлыкъ акъкъында къычырам. РАББИнинъ сёзю ичюн мени яманлайлар, эр кунь меним устюмден кулелер.

Зебур 106:4

Олар сахрада, адам олмагъан ёлларда юре эдилер, адам яшагъан бир шеэр тапамадылар.

Нехемья 5:19

Аллам! Шу халкъкъа япкъан эйиликлеримни унутма!

Сырларнынъ ачылувы 18:20

Эй, коклер, азизлер, эльчилер ве пейгъамберлер! Энди къуванынъыз, чюнки Алла шеэрни джезалады, акъкъынъызны алды.

Сырларнынъ ачылувы 6:10

Олар къычырып, кучьлю сеснен бойле дедилер: – Эй, Мукъаддес ве Акъикъий Укюмдар, не ичюн бу вакъыткъадже укюм этмейсинъ, тёкюльген къанымыз ичюн дюньяда яшагъанларны джезаламайсынъ?

2 Тимотейге 4:14

Бакъырджы Эскендер манъа чокъ яманлыкъ этти. Рабби онъа япкъанларына ляйыкъ олгъан джезасыны берсин.

2 Коринтлилерге 5:11

Раббиден къоркъмакъ не олгъаныны билип, биз Ондан къоркъмагъа башкъа адамларны да огретемиз. Алла бизим не олгъанымызны яхшы биле. Мен ишанам ки, сизинъ виджданынъызда сиз де бизни билесинъиз.

Римлилерге 12:19

Севимли агъа-къардашларым, озьлеринъиз очь алманъыз, Алланынъ гъазабына ер беринъиз. Язылгъан ки: – Очь алмакъ Меним къолумда, джезасыны Мен берерим, – дей Рабби.

Матта 19:29

Мен ичюн эв-баркъ, агъа-къардаш, тата-къызкъардаш, ана-баба, апай-бала ве ер-мулькюни ташлап кеткен эр бир адам булардан юз кере чокъ тападжакъ ве эбедий аятны мирас киби аладжакъ.

Йирмея 15:10

Вай-вай-вай! Башыма беля! Ах, анам! Сен мени догъып, давалашкъан адам олдым, бутюн ернен къавгъалаштым! Не борджкъа бердим, не борджкъа алдым, лякин мени эр кес къаргъай.

Ешая 38:3

– Я РАББИ! Сенинъ огюнъде насыл садыкълыкънен ве бутюн юрегимнен Санъа берилип юргенимни эсле. Сенинъ огюнъде яхшылыкъ яптым, – дува этип, аджджы агълап башлады.

Зебур 39:13

Мени сайысыз белялар сарып алды, меним гуналарым мени къувып, башыма етти, энди козьлеримни котерип оламайым. Гуналарым башымдаки сачларымдан чокълар; мен рухтан тюштим.

Зебур 17:3

РАББИ – меним къаям, меним къалем ве меним къуртарыджымдыр! Аллам – меним къаям, мен Онъа умют багълайым. О – меним къалкъаным, къуртулышымнынъ къувети, меним юксек, енъильмез керменим!

Эюп акъкъында китап 10:7

Ярамаз адам олмагъанымны билесинъ, ве Сенинъ къолунъдан мени кимсе къуртармайджакъ.

Нехемья 13:31

Даа мен вакъты-саатинде одунларны кетирмеге ве биринджи махсулларны бермеге буюрдым. Аллам! Мени унутма, манъа эйилик яп!

Нехемья 6:14

Аллам, Товьянынъ ве Санбаллатнынъ япкъанларыны унутма! Къадын пейгъамбер Ноадьяны ве башкъа мени къоркъузмагъа истеген пейгъамберлерни де унутма!

Римлилерге 8:35

Алланынъ севгисинден бизни не айырып олур? Белялар, къыйын вакъытлар, зулум, аш ве урба ёкълугъы, телюке, ольдюриджи къылычмы?

Къадылар 16:28

Шимшон РАББИни чагъырып: – РАББИ-ТААЛЯ! Мени хатырла! Аллам, манъа тек бу сефер кучь-къувет бер! Мен бир кереден фелестинлилерден эки козюмнинъ акъкъыны алайым! – деди.

Йирмея 15:20

Сени бу халкъ ичюн къавий бакъыр дивар киби этеджегим. Олар санъа къаршы дженк этеджеклер, амма енъалмайджакълар. Мен янынъда оладжагъым, сени къорчалап, къуртараджагъым, – дей РАББИ.

Йирмея 20:11

Амма меннен РАББИ, къоркъунчлы дженкчи кибидир. Бунынъ ичюн мени къувалагъанлар абынырлар ве мени енъалмазлар, буюк масхара оладжакълар. Ниетлерини беджермейджеклер, лякин эбедиен масхара оладжакълар, ич бир вакъыт адамларнынъ акъылларындан чыкъмайджакъ.

Йирмея 18:23

Мени ольдюрмеге эписи ниетлерини билесинъ, я РАББИ! Къабаатларыны багъышлама, оларнынъ гунасы эр вакъыт огюнъде олсун. Сенинъ огюнъде йыкъылып къалсынлар, оларны гъазабынънен джезала.

Агълав йырлары 3:64

Джезала оларны, я РАББИ, къоллары япкъанларына коре бер акъларыны;

Агълав йырлары 3:66

ачувнен къувала, ер юзюнден ёкъ эт оларны, я РАББИ!