Йирмея 14:4 - Мукъаддес Китап

⁴ Ягъмур олмагъаны ичюн, мемлекетте ер чатлады, топракъны ишлегенлер де утанып, башларыны орьтелер.

Йирмея 14:4 Referans Kwoze

Ёэль 1:11

Эй, ыргъатлар, бетлеринъизни къызартынъыз, эй, багъджылар, агъланъыз, – тарлаларнынъ берекети гъайып олды, богъдай ве арпа ич къалмады.

Йирмея 3:3

Онынъ ичюн ягъмурлар кесильди, баарь ягъмуры да ягъмады. Сенинъ бетинъ – ороспунынъ бетидир, ич де утанмадынъ-арланмадынъ.

Ёэль 1:17

Урлукълар буюк топракъ кесеклери тюбюнде чюрюди; ашлыкъ къуругъаны ичюн, анбарлар бошап къалды, килерлер йыкъылды.

Къануннынъ текрары 29:23

«Кукюрт ве туз… Бутюн топракъ яна… Устюне бир шей сачылмай, топракъ бир шей осьтюрмей… Онда бир шей осьмей, бир от да осьмей. Содом, Гомора, Адма ве Цевоим шеэрлерине ошай. РАББИ оларны гъазабында ве афакъанында йыкъып ёкъ эткендир».

Йирмея 2:37

Къолларынънен башынъны тутып, андан чыкъаджакъсынъ, РАББИ сен ишангъанларны ред этти, олар санъа бахыт кетирмейджек.

Амос 4:8

Сувны ичмек ичюн, эки-учь шеэр бир шеэрге топландынъыз, амма сувгъа тоялмадынъыз. Лякин сиз Манъа къайтмадынъыз, – дей РАББИ.

Левийлилер 26:18

Бу сизинъ башынъызгъа кельген сонъ биле Мени динълемесенъиз, япкъан гуналарынъыз ичюн джезаны еди къат арттыраджагъым.