Йирмея 13:22 - Мукъаддес Китап

²² «Булар неден башыма кельди?» – ичинъден дейджексинъ. Гуналарынънынъ чокълугъындан этегинъ ачылды, аврет ерлери корюндилер.

Йирмея 13:22 Referans Kwoze

Нахум 3:5

– Мен санъа къаршы чыкъам! – дей Ордуларнынъ РАББИси. – Урбаларынънынъ этегини бетинъе котерип, халкъларгъа аврет ерлеринъни корьсетеджегим, айыбынъны падишалыкъларгъа ачаджагъым.

Йирмея 5:19

– «РАББИ, бизим Алламыз бизге буларны не ичюн япты?» – деп сорагъанларгъа бойле джевап бер: «Менден вазгечтинъиз, мемлекетинъизде ябанджы аллаларгъа хызмет эттинъиз, шунынъ ичюн де сизинъ олмагъан мемлекетте ябанджы аллаларгъа хызмет этеджексинъиз».

Хошеа 2:10

Шимди ойнашларынынъ огюнде масхарасыны ачаджагъым, ич кимсе оны къолумдан къуртарамайджакъ.

Агълав йырлары 1:8

Ерусалим буюк гуна япты, онынъ ичюн арам олды; оны шуретлеген эр кес, айыбыны корип, энди оны мыскъыллайлар; шеэр озю де ич чекип, юзюни чевире.

Йирмея 13:26

Шунынъ ичюн урбанънынъ этеклигини чыкъараджагъым, бетинъе къадар котереджегим, аврет ерлеринъни ачыкъ этеджегим.

Къануннынъ текрары 7:17

Юрегинъде: «Бу миллетлер менден буюк. Мен оларнынъ мал-мулькюни насыл этип тутып аладжагъым?» – деп башласанъ,

Ешая 3:17

Шунынъ ичюн Рабби Сион къызларынынъ башларыны тыраш этеджек, масхаралыгъынъызны РАББИ ачаджакъ.

Цефанья 1:12

Шу вакъыт Мен лампатларнен бутюн Ерусалимни гъайретнен бакъып чыкъаджагъым ве шарапнынъ къою тортасына ошагъан къопай адамларны, «РАББИ не яхшылыкъ, не яманлыкъ япар», – юреклеринде айткъанларны джезалайджагъым.

Хошеа 12:8

Эфраим де бойле дей: «Мен бай олдым, чокъ барлыкъ топладым, Бутюн эткен ишлеримде гуна сайыладжакъ ич бир къабаатны тапамайджакълар».

Хошеа 2:3

Ёкъса, Мен оны чыр-чыплакъ союндыраджагъым, догъгъан куню олгъаны киби этеджегим, бош сахра киби япаджагъым, оны къуру топракъкъа чевиреджегим ве сувсузлыкътан ольдюреджегим.

Ешая 47:8

Эй, къасеветсиз яшап, назлы олгъан, ичинден: «Манъа тенъ кельген дюньяда ёкътыр, тул къалмайджагъым, балаларымнынъ ольгенини корьмейджегим», – деген! Буны динъле:

Ешая 20:4

Ашшур падишасы мысырлыларны ве хушлуларны сюргюн эткенде, олар ойле де оладжакъ. Яшы-къарты чыплакъ ве ялынаякъ, аврет ерлерини ачып, кетеджеклер. Мысырлылар ичюн бу буюк масхаралыкъ оладжакъ.

Къануннынъ текрары 18:21

Сен: «О айткъаныны РАББИ дегенми, демегенми, насыл танып олурмыз?» – деп тюшюнмек мумкюнсинъ.

Къануннынъ текрары 8:17

Сен ичинъден: «Бу байлыкъны манъа къуветим ве буюк къудретим кетирди», – деме деп,

Йирмея 14:16

Олар пейгъамберлик эткен халкъ къылычтан ве ачлыкътан гъайып олып, Ерусалимнинъ сокъакъларында ятаджакълар. Оларны да, апайларыны, огъулларыны, къызларыны да комеджек кимсе олмайджакъ. Япкъан яманлыкъларыны озьлерининъ башларына тюшюреджегим.

Ехезкель 23:26

урбаларынъны устюнъден чыкъараджакълар, гузель къыйметли шейлеринъни тартып аладжакълар.

Хошеа 2:5

Оларнынъ анасы ороспулыкъ этти, оларгъа юкке къалгъан къадын масхара олды. О: «Ойнашларым манъа отьмек, сув, юнь, кетен, зейтюн ягъы, ичимликлерни берелер. Мен оларнынъ артындан кетеджегим», – деди.