Йирмея 11:12 - Мукъаддес Китап

¹² О заман Ехуда шеэрлеринде ве Ерусалимде яшагъанлар къокъулы отларны якъкъан аллаларына бараджакълар, олардан ярдым истейджеклер. Амма олар башларына тюшкен беляларында ич бир ярдым этип оламайджакълар.

Йирмея 11:12 Referans Kwoze

Йирмея 2:28

Къана, озьлеринъизге япкъан аллаларынъыз къайда? Беля кельгенде, сизни къуртарып олсалар, айды, турсунлар! Шеэрлеринъиз не къадар олса, о къадар аллаларынъыз да бар, эй, Ехуда!

Къануннынъ текрары 32:37

О айтар: «Къайда аллалары, олар сыгъынакъ къыдыргъан къаялары?

Ешая 45:20

Эй, халкълардан къачып къуртулгъанлар! Эпинъиз топлашып, яныма келинъиз. Озь агъач путуны ташыгъан, оларны къуртарып оламайджакъ аллагъа дува эткенлер ич бир шейни анъламайлар.

2 Тарих вакъиалары 28:22

Белялар куньлеринде биле Ахаз падиша РАББИге къаршы япкъан озь гуналарына даа гуна къоша эди.

Къадылар 10:14

Барынъыз, озюнъиз сайлап алгъан аллаларгъа ялварынъыз. Олар сизни белядан къуртарсын! – деди.

Къануннынъ текрары 32:38

Оларнынъ къурбан ягъларыны ким ашагъан, шарап бахшышларыны ким ичкен? Олар турсунлар да, сизге ярдым этсинлер, сиз ичюн орьтю олсунлар!

Йирмея 44:8

Япкъанларынъызнен Мени ачувландырасынъыз, Мысыр топрагъында башкъа аллаларгъа къокъулы отларны якъасынъыз. Мында яшамагъа кельдинъиз, лякин озьлеринъизни гъайып этеджексинъиз, ер юзюндеки эписи халкълар сизни къаргъайджакъ, сизге хор бакъаджакълар.

Ешая 46:7

Оны омузларына котерип ташыйлар, озь ерине къоялар; пут къыбырдамайып еринде тура, онъа къычыргъанда биле, джевап бермей, белядан къуртарамай.

Йирмея 18:15

Халкъым исе Мени унутты, бош путларгъа къокъулы отларны якъалар, къадимий ёлундан урулдылар, юрюльген ёлдан дегиль де, насылдыр сокъачыкътан кеттилер.