Йирмея 10:10 - Мукъаддес Китап

¹⁰ Амма РАББИ-Тааля – акъикъаттыр! О, Тири Алла ве эбедий Падишадыр! Ер юзю гъазабындан титрей, халкълар ачувына даянып оламай.

Йирмея 10:10 Referans Kwoze

Къануннынъ текрары 32:4

О – Къаядыр! Япкъанлары къусурсыз, ёллары адалетлидир. О – ишанчлы Алла, Онда акъикъатсызлыкъ ёкъ, О догъру ве инсафлыдыр!

Ешая 57:15

Юдже, Юксельген, эбедий Яшагъан, Ады Азиз олгъан дей ки: – Юксек ве мукъаддес ерде яшайым, лякин тёвбе эткенлернен ве алчакъгонъюллилернен олам. Алчакъгонъюллилернинъ рухларыны джанландыраджагъым, тёвбе эткенлернинъ джанларыны тирильтеджегим.

Зебур 76:7

Геджелери йырларымны хатырлап, юрегимнен субетлештим, рухум исе менден сорады:

Нахум 1:6

Онынъ гъазабы огюнде ким турып олур? Гъазабынынъ алевине ким даянып олур? Онынъ гъазабы, атеш киби, джайрай, Онынъ огюнде къаялар йыкъыла.

Зебур 42:2

Сен, Алла, – меним къалемсинъ; не ичюн мени ред эттинъ? Не ичюн мен душманларымнынъ зулумы астында гъам чекип юрем?

Зебур 100:5

Башкъасы акъкъында гизлиден ошек айткъанны мен ёкъ этерим, юксектен бакъкъан ве юреги къабаргъан адамны асыл чыдамам.

Сырларнынъ ачылувы 20:11

Сонъ буюк бир беяз тахтны ве Тахтта Отургъанны корьдим. Онынъ огюнден ер ве кок ёкъ олды ве бир даа пейда олмады.

Зебур 31:5

Сенинъ алдынъда гунамны ачтым, ич бир къабаатымны гизлемедим. «Къанунсыз япкъанларымны РАББИге ачарым», – дедим, ве Сен гунамнынъ къабаатыны багъышладынъ. Сэла

Зебур 18:7

Онынъ чыкъкъан ери – кокнинъ четиндедир, ёлу исе башкъа четине бара, сыджагъындан ич бир шей сакъланмаз.

1 Юхан 5:20

Даа шуны билемиз: Алланынъ Огълу кельди ве, биз Акъикъий Олгъанны таныйыкъ деп, бизге акъыл берди. Биз акъикъий Аллада, Онынъ Огълу Иса Месихте булунамыз. Бу – акъикъий Алла ве эбедий омюрдир.

Еудийлерге 10:31

Тири Алланынъ къолуна тюшмек – къоркъунчлы бир шейдир!

1 Тимотейге 1:17

Асырларнынъ Падишасына, эбедий яшайджакъкъа, козьнен корюльмегенге, бирден-бир Аллагъа эбедиен шан-шурет олсун! Амин.

1 Тессалоникелилерге 1:9

Олар озьлери, сиз бизни насыл къаршылагъанынъызны ве сиз насыл этип путлардан вазгечип, Аллагъа кельгенинъизни айтып берелер. Сиз Тири ве Акъикъий Аллагъа хызмет этмеге

Фаалиет 14:15

– Акъайлар, бу ишлерни не ичюн япасынъыз? Биз – сизлерге ошагъан инсанлармыз! Сизлер бош шейлерден вазгечип, ер, кок, денъиз ве олардаки эр шейни яраткъан Тири Аллагъа айланынъыз деп, биз сизге Къуванчлы Хаберни алып кетиремиз.

Малакий 3:2

Онынъ келеджек кунюне ким даянып олур? О, пейда олгъанда, ким аякъ устюне турып олур? О, эр шейни ириткен ве арындырткъан атеш киби, эр шейни темизлеген сильте киби оладжакъ.

Хавакъкъукъ 3:6

О турды, ве дюнья салланды, О бакъты, ве халкълар титреди. Къарт дагълар йыкъылды, эски байырлар тер-тегиз олды. Онынъ ёллары эбедий.

Микъа 1:4

Онынъ аягъы астында дагълар ирип кетеджек, вадийлер, атештен ириген балавуз киби, юксек къаядан тюшкен сувлар киби, дагъылып кетеджеклер.

Зебур 146:6

РАББИ алчакъгонъюллилерни юкъарыгъа котере, ярамайларны исе ерге тюшюрип ташлай.

Зебур 114:7

Эй, джаным, раатлыкъ ерине бир даа къайт, чюнки РАББИ санъа эйилик япты!

Зебур 104:32

Башларына ягъмур ерине бурчакъ ягъдырды, топракъларына куйдюрген атеш ёллады.

Зебур 97:4

Эй, бутюн ер юзю, РАББИге къуванчнен сесинъизни юксельтинъиз, севинчнен багъырынъыз ве чалгъы чалынъыз!

Зебур 93:2

Котериль, ернинъ Къадысы, кибирли адамларнынъ джезасыны бер!

Зебур 90:11

О, сенинъ акъкъынъда Озь мелеклерине эмир этер, ве олар бутюн ёлларынъда сени къорчалар.

Зебур 84:2

Я РАББИ, Сен Озь топрагъынъа мерамет косьтердинъ, Якъупны эсирликтен къайтардынъ,

Зебур 77:18

Джанлары истеген ашны талап этти, юреклеринде Алланы сынап бакъты.

Эюп акъкъында китап 9:6

Дюньяны сарсытыр, темеллерини титретир.

2 Тарих вакъиалары 15:3

Исраиль чокъ вакъыт девамында акъикъий Алласыз оладжакъ, халкъны огреткен руханий олмайджакъ, къануны да олмайджакъ.

3 Падишалар 18:39

Бутюн халкъ буны корьгенде, ерге бети устюне йыкъылды ве: – Алла – РАББИдир, Алла – РАББИдир! – деди.

1 Падишалар 17:36

Сенинъ къулунъ арсланны да, аювны да ольдюре эди. Бу сюннетсиз фелестинлининъ алы да оларнынъ алы киби оладжакъ, чюнки о, Тири Алланынъ ордусыны дженклешмеге чагъыра.

1 Падишалар 17:26

Давут янында тургъан адамлардан: – Шу фелестинлини ольдюрген ве Исраильни масхаралыкътан азат эткен адамгъа не оладжакъ? Тири Алланынъ ордусыны дженклешмеге чагъырмакъ ичюн, ким олгъан бу сюннетсиз фелестинли? – деп сорады.

Къадылар 5:4

РАББИ, Сен Сеирден кельгенде, Эдом тарлаларындан кельгенде, ер юзю титреди, коклерден ягъмурлар ягъды, булутлар сувларыны тёкти.

Къануннынъ текрары 5:26

Бизден гъайры, атеш ичинден лаф эткен Тири Алланынъ сесини эшитип де, сагъ къалгъан джан бармы?

1 Тимотейге 6:17

Бу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере.

Юхан 17:3

Эбедий аят исе – Сени, бирден-бир акъикъий Алланы, эм де Сен ёллагъан Иса Месихни танып-бильмектир.

Матта 26:63

Иса индемеди. Баш руханий Онъа: – Тири Алланынъ огюнде Сени емин эттирем, бизлерге айт, Месих, Алланынъ Огълу – Сенсинъми? – деди.

Матта 16:16

Симон Пётр джевап берип: – Сен – Месихсинъ, Тири Алланынъ Огълусынъ! – деди.

Хавакъкъукъ 3:10

Сени корьгенде, дагълар къалтырады, коклерден ягъмурлар ягъды. Буюк теренлик окюрди, тюпсюзлик къолларыны котерди.

Ёэль 2:11

РАББИ кучьлю сесинен Озь ордусына буюра. Онынъ аскерлери пек чокъ сайылыдыр, Онынъ буюргъанларыны беджергенлер къудретлидир. Не де къоркъунчлыдыр РАББИнинъ буюк куню! Онъа ким даянып олур?

Даниял 7:14

Онъа акимиет, урьмет ве падишалыкъ берильди. Бутюн халкълар, миллетлер ве тиллер онъа ибадет эттилер. Онынъ акимиети – ич битмейджек эбедий бир акимиеттир, ве падишалыгъы – ич йыкъылмайджакъ бир падишалыкътыр.

Даниял 6:26

Падишалыгъымнынъ эр бир виляетинде Даниялнынъ Алласы огюнде эр кес къалтырасын ве Ондан къоркъсун!

Даниял 4:34

Шимди мен, Невукъаднеццар, эписи ишлери акъикъий ве ёллары адалетли олгъан Коктеки Падишаны макътайым, юксельтем ве шерефлейим. О, кибирленген адамларны алчакъгонъюлли япа биле.

Даниял 4:3

Сонъ мен, тюшюмнинъ манасыны манъа тарифлеп берсинлер деп, Вавилонда яшагъан эписи акъыллы адамларыны манъа кетирмеге эмир эттим.

Йирмея 23:36

Бир даа РАББИнинъ хаберини акъылларынъызда тутмайджакъсынъыз. Эр кеснинъ сёзю озь пейгъамберлик хабери олды, Тири Алланынъ, Ордулар РАББИсининъ, Алланъызнынъ сёзлерини исе боздынъыз.

Ешая 37:17

Я РАББИ, къулакъ ас да, эшит. Козьлеринъни ач да, Озюнъ корь. Санхеривнинъ эписи сёзлерини, Тири Алланы насыл сёггенини эшит!

Ешая 37:4

Бельки РАББИ, сенинъ Алланъ Ашшур падишасы йиберген, Тири Алланы сёгген орду башынынъ сёзлерини эшитир ве айткъан ярамай шейлери ичюн оны джезалар. Сен исе сагъ къалгъанлар ичюн дува окъу».

Зебур 68:11

Агълап, аштан вазгечип, джанымны къыйнадым, бу да манъа къабаат олды.

Башланув 21:33

Ибраим исе Беэр-Шевада тамариск терегини сачты ве анда РАББИге, Эбедий Аллагъа дува этти.

3 Падишалар 8:60

Дюньянынъ эписи халкълары Алла – РАББИ олгъаныны ве Ондан башкъасы олмагъаныны бильсинлер!

Зебур 29:10

«Мен мезаргъа кирсем, аятымдан не файда? Топракъ Санъа шукюр этерми, акъикъатынъны айтып берерми?

Зебур 68:8

Сенинъ ичюн мен акъаретке къатландым, утангъанымдан юзюмни къапаттым.

Зебур 90:2

О, РАББИге айта: «О, меним сыгъынагъым ве къалем, О, меним Аллам; умютим Онда!»

Ешая 40:15

РАББИ ичюн миллетлер – къопкъадаки сув тамчысы, теразедеки тоз зерреси кибидир. Мына, индже тоз киби, адаларны котере.

Ешая 65:16

Ер юзюнде озюне багъышлав къыдыргъан Ишанчлы Алланынъ багъышлавыны къыдыраджакъ; ер юзюнде ант эткен Ишанчлы Алланен ант этеджек. Эвельки сыкъынтылар унутыладжакъ, козюмден сакъланаджакълар.

Йирмея 4:2

РАББИнинъ Адынен ант этип, акъикъатнен, адалетнен ве догърулыкънен ант этеджексинъ; Рабби халкъларгъа яхшылыкъ этеджек, ве олар Оны макътайджакълар.

Йирмея 4:24

Дагъларгъа бакътым, иште, тепренелер, бутюн байырлар къалтырайлар.

Йирмея 50:46

Вавилон йыкъылувынынъ гудюрдисинден ер сарсыладжакъ, ярдымгъа къычырувларнынъ сеслери халкъларнынъ арасында эшитиледжек.

Йирмея 51:29

Ер юзю сарсыла ве титрей, РАББИнинъ ниети ерине келе, Вавилон топрагъы бакъымсыз, адамсыз ер оладжакъ.

Нун огълу Ехошуа 3:10

Сонъ Ехошуа къошты: – Тири Алла сизинъ огюнъизден ханаанлыларны, хитлилерни, хивлилерни, перизлилерни, гиргашлыларны, аморлыларны ве евуслыларны къуваджакъ. Сонъ сиз Алла аранъызда олгъаныны анълайджакъсынъыз:

1 Тарих вакъиалары 29:11

Я РАББИ, улулыкъ, къудрет, шереф, гъалебе ве шан Сенинъкидир! Коклерде ве ер юзюндеки эр шей Сенинъки! Сен, РАББИ, Падишасынъ! Сен эр шейден Юджесинъ!

Зебур 9:8

РАББИ эбедиен падишалыкъ этер, суд этмек ичюн, О, тахтыны ерлештирди.

Зебур 76:8

«Рабби бизни эбедиен ташладымы, разылыгъыны энди бермейджекми?

Зебур 100:3

Ярамай шейни козюм огюне кетирмейджегим, мен джинает ишинден нефретленем, бойле шей манъа япышмаз.

Ешая 40:28

Бильмейсинъми, аджеба? Эшитмединъми, аджеба? Дюньянынъ четлерини яраткъан РАББИ, Эбедий Алла такъаттан тюшмей ве ёрулмай. Оны анъламагъа мумкюн дегиль.

Даниял 6:27

О, – тири ве эбедий яшагъан Алладыр. Онынъ падишалыгъы гъайып олмаз, ве акимдарлыгъы сонъсуздыр. О, къорчалай ве къуртара. Эм кокте, эм ер юзюнде аджайип ишлерни япа ве аляметлерни косьтере. О, Даниялны арсланларнынъ кучюнден къуртарды».

Нахум 1:5

Дагълар РАББИнинъ огюнде къалтырай, байырлар ирий, Онынъ огюнде ер титрей, дюнья ве дюньяда яшагъанларнынъ эписи титрей.