Йирмея 1:12 - Мукъаддес Китап

¹² – Догъру коресинъ, – деди манъа РАББИ. – Мен юкъламайым, айткъанларымны беджереджегим.

Йирмея 1:12 Referans Kwoze

Ехезкель 12:28

Шунынъ ичюн оларгъа бойле айт: «РАББИ-ТААЛЯ шойле дей: Айткъан сёзлеримнинъ ич бири энди кечикмейджек, оларнынъ эр бири ерине келеджектир. Бойле дей РАББИ-ТААЛЯ».

Ехезкель 12:25

Энди Мен, РАББИ, айтаджагъым, эм де Меним сёзлерим кечикмейип ерине келеджектир. Исьянджы халкъ, сизинъ куньлеринъизде эр бир айткъан сёзюмни ерине кетиреджегим! Бойле дей РАББИ-ТААЛЯ».

Лука 10:28

Иса онъа: – Догъру джевап бердинъ. Бойле япсанъ – яшарсынъ, – деди.

Амос 8:2

О, менден: – Амос, сен не коресинъ? – деп сорады. – Бир сепет пишкен мейваны, – деп джевап къайтардым мен. О заман РАББИ манъа: – Исраиль халкъымнынъ сонъу кельди. Бир даа оларны багъышламайджагъым, – деди.

Къануннынъ текрары 5:28

Сиз меннен лаф этип айткъанларынъызны РАББИ эшитти ве манъа: «Бу халкънынъ санъа айткъанларыны эшиттим. Оларнынъ бутюн айткъанлары яхшыдыр.

Къануннынъ текрары 32:35

Аякълары тайгъанда, Мен акътыман ве интикъам алырым. Беля-къаза куню якъындыр, азырландырылгъан шейлер оларгъа ашыкъып келелер».

Къануннынъ текрары 18:17

РАББИ манъа о заман: «Оларнынъ айткъанлары яхшыдыр, – деди.

Лука 20:39

О вакъыт Къанун оджаларындан базылары: – Оджа, Сен яхшы айттынъ, – дедилер.

Йирмея 31:28

Кечмиште олардан козь алмай эдим, оларны топракътан къувалай ве ёкъ эте эдим, ерге ура, йыкъа ве хараплай эдим. Ойле де олардан козь алмайып, оларны къавийлештиреджегим ве абаданлаштыраджагъым, – дей РАББИ.

Йирмея 1:13

Башкъа вакъыт РАББИ менден: – Не коресинъ? – деп сорады. – Къайнагъан бир къазан корем. Шимальден бу тарафкъа эгильген, – дедим.

Ешая 55:11

Агъзымдан чыкъкъан сёзюм ойле де, Манъа бош къайтмайджакъ. О, истегимни беджереджек, япсын деп оны ёллагъан ишни беджереджек.

Йирмея 24:3

РАББИ менден: – Йирмея, не коресинъ? – деп сорады. – Инджир, – деп джевап бердим. – Пек яхшы инджирлерни ве пек ярамай инджилерни корем. Ойле ярамай ки, ашалмайджакъ къадар ярамай.