Галатиядакилерге 1:8 - Мукъаддес Китап

⁸ Сизге берильген Къуванчлы Хаберимизден башкъасыны биримиз я да коктен бир мелек кетирсе, онъа лянет олсун!

Галатиядакилерге 1:8 Referans Kwoze

Галатиядакилерге 1:9

Эвельден айткъанларымызгъа коре, шимди кене айтам: кимдир сизлер къабул эткен Къуванчлы Хаберге къаршы олгъан хаберни кетирсе, онъа лянет олсун!

1 Коринтлилерге 16:22

Ким Раббини севмесе, онъа лянет олсун! Марана та – я Рабби, кель!

Римлилерге 9:3

Агъа-къардашларым ве сойдашларым олгъан исраиллилер ичюн мен, эгер мумкюн олса, лянет олмагъа, Месихтен айырылмагъа биле истер эдим.

Матта 25:41

Сонъ сол тарафындакилерине: – Эй, лянетлилер! Ёкъ олунъ козюмден! Шейтангъа ве онынъ мелеклерине азырланылгъан эбедий атешке тюшюнъиз!

2 Пётр 2:14

Козьлери ороспулыкъкъа толалар, токътамайып гуна япалар. Олар зайыф адамларны ёлдан уралар; юреклери къызгъанчлыкъны яхшы огренгенлер. Олар – лянет балаларыдыр.

Фаалиет 23:14

Олар баш руханийлернен акъсакъалларнынъ янына келип: – Павелни ольдюрмегенимиздже, ант этип ич бир шей ашамайджакъмыз.

Титке 3:10

Джемиетнинъ бирлигини бозгъан адамны бир-эки кере тенбиеле, сонъ исе онъа аркъанъны чевир.

Галатиядакилерге 3:13

Месих биз ичюн лянет олды ве бизни Къанун лянетинден сатын алып къуртарды. Бу акъта язылгъан ки, теректе эр бир асылып къалдырылгъан адам лянетлидир.

1 Коринтлилерге 12:3

Шунынъ ичюн сизлерге бильдирмеге истейим: Алланынъ Рухунен айткъан ич кимсе Исаны къаргъамаз. Ве Исаны Рабби деп адландырмакъ адам тек Мукъаддес Рухнен мумкюн.

Марк 14:71

Пётр исе, ант этип: – Алла бойнумны урсун! Сизлер айткъан бу адамны мен танымайым! – деди.

Галатиядакилерге 3:10

Къанунны беджергенлер эписи исе – лянет астындалар. Язылгъанына коре, Къанун Китабында язылгъаннынъ эписини тутып беджермеген эр кеске лянеттир.

Нехемья 13:25

Мен оларны серт тенбиеледим ве къаргъадым, оларнынъ базы акъайларыны котекледим, башында сачларыны юлкътым ве озь къызларыны оларнынъ огъулларына бермемек ве оларнынъ къызларыны озь огъулларына ве озьлерине алмамагъа Алланынъ Адынен ант этмеге меджбур эттирдим.

1 Падишалар 26:19

Шимди падиша-эфендим, къулунънынъ сёзлерине къулакъ ас: эгер сени манъа къаршы РАББИ догъурткъан олса, Онъа къурбан олсун. Эгер де инсан огъуллары олса, РАББИнинъ огюнде оларгъа лянет олсун, чюнки олар мени къувалап, бугунь РАББИнинъ мирасы олгъан пайымдан узакълаштыралар ве: «Бар, кет, ят аллаларгъа хызмет эт», – дейлер.

Нун огълу Ехошуа 9:23

Бунынъ ичюн лянет олунъыз! Эр вакъыт къул олып, Алламнынъ эви ичюн одун парлап, сув ташыйджакъсынъыз, – деди.

Башланув 9:25

бойле деди: – Ханаан лянет олсун! Озь агъаларында о, къулларнынъ къулу олсун.

3 Падишалар 13:18

Къарт исе бойле деди: – Мен де сенинъ киби пейгъамберим. Бир мелек манъа РАББИнинъ эмиринен: «Оны эвинъе къайтар, аш ашасын, сув ичсин», – деди. Лякин о, ялан айтты.

Йирмея 23:16

Ордуларнынъ РАББИси айта ки: – Сизге пейгъамберлик эткен пейгъамберлернинъ айткъанларыны динълеменъиз, олар сизни алдаталар, РАББИнинъ агъзындан чыкъкъан шейлерни дегиль де, юреклериндеки истеклерини айталар.

Йирмея 23:36

Бир даа РАББИнинъ хаберини акъылларынъызда тутмайджакъсынъыз. Эр кеснинъ сёзю озь пейгъамберлик хабери олды, Тири Алланынъ, Ордулар РАББИсининъ, Алланъызнынъ сёзлерини исе боздынъыз.

Римлилерге 16:17

Агъа-къардашларым, ялварам сизге: сизлер огренген бильгиге къаршы чыкъкъан, аранъызгъа айырылыкъ кетирген ве ёлдан ургъан адамларгъа мукъайт олунъыз, оларгъа аркъанъызны чевиринъиз.