Филиплердекилерге 1:7 - Мукъаддес Китап

⁷ Меним эпинъиз акъкъынъызда бойле тюшюнгеним догърудыр, чюнки сизлер меним юрегимдесиз, ве мен зинданда олгъанда, Къуванчлы Хаберни къорчалагъанда ве оны тасдыкъ эткенимде, эр биринъиз меннен берабер эйилик саиби оласынъыз.

Филиплердекилерге 1:7 Referans Kwoze

2 Коринтлилерге 7:3

Буны айткъанда, сизлерни къабаатламагъа истемейим. Эвель айткъаным киби, сизлер бизим юрегимиздесиз, ве биз сизнен берабер эм яшамагъа, эм ольмеге азырмыз.

Филиплердекилерге 1:5

чюнки сизлер биринджи куньден шимдиге къадар Къуванчлы Хабернинъ джайрав ишинде иштирак этесинъиз.

2 Тимотейге 2:9

Бу Къуванчлы Хабер ичюн мен, яманлыкъ япкъан адам киби, зынджырларгъа багъланып, азап чекем. Амма Алланынъ Сёзюни зынджырларнен багъламагъа мумкюн дегиль!

Колоссайлыларгъа 4:18

Мен, Павел, бу селямны озь къолумнен язам. Зиндан зынджырларымны акъылда тутунъыз. Алланынъ эйилиги сизлернен олсун!

Филиплердекилерге 4:14

Эр алда, сизлер меним къасеветиме къошулып, яхшы иш яптынъыз.

Эфеслилерге 6:20

Мен Хабер ичюн зынджырларнен багълангъан эльчи олам. Кереги киби, джесарет ве ачыкълыкънен Къуванчлы Хаберни бильдирейим деп, дува окъунъыз.

Эфеслилерге 3:1

Шу себептен мен, Павел, сиз ичюн, еудий олмагъан халкълар ичюн, Иса Месихнинъ мабюси олдым…

Фаалиет 20:23

Амма эр бир шеэрде манъа Мукъаддес Рух бильдиргенине коре, мени зынджырлар ве азаплар беклей.

1 Юхан 3:14

Биз олюмден яшайышкъа кечкенимизни билемиз, чюнки биз агъа-къардашларымызны севемиз. Озь агъа-къардашларыны севмеген адам исе олюмде къалыр.

2 Пётр 1:13

Бу беденимде олгъанымда, буларны акъылгъа кетирмекнен сизлерни уятып турмагъа догъру шей деп тюшюнем,

1 Пётр 4:13

Аксине, Месихнинъ азапларына къошулгъанынъызгъа къуванынъыз! О вакъытта Онынъ шурети ачылгъанда, чокъ къуванчкъа толаджакъсынъыз.

Еудийлерге 3:1

Шунынъ ичюн, азиз дин къардашларым, коклерден чагъырылгъан адамлар! Алланынъ Эльчисини, биз инангъан баш руханий Исаны тюшюнинъиз!

2 Тимотейге 1:8

Бойлеликнен, Раббимиз акъкъында шаатлыкъ этмектен ве менден, Онынъ мабюсинден утанма. Амма Алла берген кучь-къуветнен Яхшы Хабер ичюн азапларгъа даян.

1 Тессалоникелилерге 5:5

Эпинъиз ярыкънынъ огъулларысынъыз ве куньдюзнинъ огъулларысынъыз. Биз гедженинъки я да къаранлыкънынъки дегильмиз.

Колоссайлыларгъа 4:3

Бизлер ичюн де дува окъунъыз: Алла, биз Месихнинъ сырыны бильдиреджегимиз ичюн, Озь Сёзюне бир къапуны ачып берсин (мен бу сыр ичюн тюрьмеде отурам),

Эфеслилерге 4:1

Шу себептен мен, Рабби ичюн мабюс, сизлерге ялварам: сиз алгъан чагъырувгъа коре, ляйыкъ алда яшанъыз,

Галатиядакилерге 5:6

Иса Месихте не сюннетнинъ, не сюннетсизликнинъ файдасы ёкъ, тек севгиде озюни косьтерген иманнынъ файдасы бар.

2 Коринтлилерге 3:2

Бизни макътагъан мектюбимиз – сизлерсинъиз. Бу мектюп бизим юрегимизге язылгъан, ве оны бутюн адамлар таный ве окъуй.

1 Коринтлилерге 13:7

Севги эр шейни багъышлар, эр шейге инаныр, эр вакъыт умют этер, эр шейге даяныр.

1 Коринтлилерге 9:23

Буларнынъ эписини Къуванчлы Хабер ичюн япам, онда меним къысметим де олсун.

Фаалиет 21:33

Бинъбашы якъынлашты, Павелни тутып, эки зынджырнен багъламагъа буюрды. О: «Бу ким, ве не япты?» – деп сорады.

1 Пётр 5:1

Сизинъ ортанъыздаки акъсакъалларгъа мен ялварам, – мен де акъсакъалым ве Месих чеккен азапларнынъ шаатым; мен де тезден пейда оладжакъ шуретке къошуладжагъым, –

Филиплердекилерге 1:12

Агъа-къардашлар, буны бильгенинъизни истейим: меним башымдан кечкен шейлер ичюн Къуванчлы Хабер даа чокъ джайрады,

Филиплердекилерге 1:13

ве меним аписханеде отургъаным Месих ичюн олгъаны бутюн сарай къаравулларына ве къалгъан эписи адамларгъа белли олды.

Филиплердекилерге 1:14

Шунынънен агъа-къардашларнынъ чокъусы меним аписханеде отургъаным ичюн Раббиде рухланып, Алланынъ Сёзюни даа буюк джесюрликнен, къоркъу бильмейип, даркъатып башладылар.

Филиплердекилерге 2:22

Амма Тимотей озюни насыл косьтергени сизлерге белли, чюнки о, огъул озь бабасынен киби, меннен берабер Къуванчлы Хаберни даркъатып, хызмет эте эди.

Филиплердекилерге 4:3

Эбет, ишанчлы ёлдашым, санъа да ялварам, о къадынларгъа ярдым эт. Олар меннен, ве Клементнен, ве меннен берабер башкъа чалышкъанларнен Къуванчлы Хаберни даркъатмакъ ичюн арекет этелер. Оларнынъ адлары яшайыш китабында язылгъандыр.

Филиплердекилерге 4:15

Сиз билесиз, эй, Филиплер шеэринде яшагъанлар, мен Македониядан чыкъып, Къуванчлы Хаберни биринджи кере даркъатып башлагъанымда, сизлерден башкъа иманлыларнынъ джемиетлеринден ич бириси манъа бир шей бермеди ве менден бир шей алмады.

Филимонгъа 1:13

Онисим манъа сенинъ еринъе хызмет этсин деп, мен Къуванчлы Хабер ичюн зынджырларда олгъан вакъытта оны янымда алып къалмагъа истер эдим.