Фаалиет 9:32 - Мукъаддес Китап

³² Пётр ер-ерден юрип, Лидда шеэринде яшагъан азизлернинъ алдына барды.

Фаалиет 9:32 Referans Kwoze

Фаалиет 9:13

Анания джевап берип: – Рабби, чокъ адамлардан эшиттим ки, бу адам Ерусалимде Сенинъ азизлеринъе не къадар яманлыкъ япкъан.

Фаалиет 8:25

О ерде Раббининъ Сёзюни илян эткен, шаатлыкъ берген сонъ, олар Ерусалимге таба кеттилер ве Самариенинъ чокъ койлеринде Къуванчлы Хаберни даркъаттылар.

Филиплердекилерге 1:1

Павел ве Тимотей, Иса Месихнинъ къуллары, – Филиплер шеэриндеки Иса Месихте олгъан Алланынъ эписи азизлерине, иманлылар джемиетининъ башлыкъларына ве хызметчилерине:

Эфеслилерге 1:1

Павел, Алланынъ истегенинен Иса Месихнинъ эльчиси, – Эфес шеэриндеки азизлерге ве Иса Месихке инангъанларгъа:

Римлилерге 1:7

Алла севген ве азиз олмагъа чагъыргъан, бутюн Рим шеэринде яшагъан иманлыларгъа: Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Фаалиет 26:10

Буны да Ерусалимде япа эдим. Баш руханийлерден разылыкъ алып, чокъ азиз адамларны зиндангъа ташладым ве, оларны ольдюреяткъанларда, мен бунъа сесимни берип, разы ола эдим.

Фаалиет 9:41

Пётр къолуны узатып, онъа аякъ устюне турмагъа ярдым этти. Сонъ азизлернен берабер тул къадынларны чагъырып, оларгъа тири къадынны косьтерди.

Фаалиет 8:14

Ерусалимде къалгъан эльчилер, Самарие сакинлери де Алланынъ Сёзюни къабул эткенлерини эшиткенде, оларнынъ алдына Пётрнен Юханны ёлладылар.

Фаалиет 1:8

Мукъаддес Рух устюнъизге тюшкен сонъ, сиз кучь-къувет аладжакъсыз, Ерусалимде, бутюн Еудиеде, Самариеде ве дюньянынъ кенарынадже Меним шаатларым оладжакъсыз, – деди.

Матта 27:52

Къабирлер ачылды ве чокъ раметли азизлер тирильди.

Икметли сёзлер 2:8

О, адалет ёлуны къорчалай, садыкъ олгъанларнынъ ёлларыны сакълай.

Зебур 16:3

Сен юрегимни сынадынъ, гедже манъа кельдинъ. Сен мени сынадынъ ве ич бир яманлыкъ тапмадынъ. Дудакъларым гуна япмайджакъ, къарарына кельдим.

1 Тарих вакъиалары 8:12

Элпаалнынъ огъуллары: Эвер, Мишам ве Шемед. О, Оно ве Лод шеэрлерини ве этрафындаки койлерни къурды.

Узеир 2:33

Лод, Хадид ве Оно акъайлары – 725,

Нехемья 7:37

Лод, Хадид ве Ононынъ огъуллары – 721,

Нехемья 11:35

Лод шеэринде, Оно шеэринде ве Зенаатчылар вадийинде ерлештилер.

Фаалиет 9:33

О ерде секиз йылдан берли тёшегинден турмагъан Айнея адлы бир паралич ургъан адамны корьди.