Фаалиет 9:1 - Мукъаддес Китап

¹ ‌Саул, Раббининъ шегиртлерине олюм джезасыны истеп, ачувнен нефес алып эп юре эди. Баш руханийнинъ алдына барып,

Фаалиет 9:1 Referans Kwoze

Фаалиет 8:3

Саул исе иманлылар топлашувыны тар-мар эте башлады. Эв-эвден юрип, акъаймы, къадынмы, эписини сюйреклеп зиндангъа ташлай эди.

1 Тимотейге 1:13

Мен эвельден Оны яманлагъан, залым, джан агъырткъан адам эдим. Лякин манъа мерамет костерильди, чюнки буны бильгисизликтен ве имансызлыкътан япа эдим.

Галатиядакилерге 1:13

Меним еудий дининде кечкен эвельки аятым акъкъында эшиттинъиз: мен Алланынъ иманлылар джемиетини къарардан зияде къувалай эдим, оны ёкъ этмеге тырыша эдим.

1 Коринтлилерге 15:9

Мен эльчилернинъ энъ кичкенесим, эльчи адыны ташымагъа ляйыкъ дегилим, чюнки мен Алланынъ джемиетини къувалай эдим.

Фаалиет 7:58

оны шеэрден тышарыгъа сюйреклеп чыкъардылар ве ташларнен урып башладылар. Онъа къаршы шаатлыкъ эткен адамлар усть урбаларыны Саул деген бир огъланнынъ аякълары алдына ташладылар.

Филиплердекилерге 3:6

Буюк гъайретнен мен месихчилерни къувалай эдим, Къанун талап эткен инсафлыкъкъа коре къабаатсыз эдим.