Фаалиет 8:23 - Мукъаддес Китап

²³ Сенинъ аджджы зеэрге толгъанынъны ве адалетсизлик зынджырына багълангъанынъны корем, – деди.

Фаалиет 8:23 Referans Kwoze

Ешая 58:6

Мен сайлагъан ораза будыр: яманлыкъ бугъавларыны чыкъарынъыз, боюндырыкъ багъларыны чезинъиз, эзиетленгенлерни азатлыкъкъа йиберинъиз, эр бир боюндырыкъны йыкъынъыз.

Икметли сёзлер 5:22

Ярамайны озь яманлыкълары сарып аладжакъ, озь гуналарынынъ къапкъаны оны тутып багълайджакъ.

Еудийлерге 12:15

Ич биринъиз Алланынъ эйилигини ред этменъиз деп, дикъкъатлы олунъыз. Аранъызда аджджы тамыргъа ошагъан адам олмасын, ёкъса о сизге зарар кетиреджек ве чокъ адамларны арамлайджакъ.

Юхан 8:34

– Сизге керчектен догърусыны айтам, – деди Иса. – Гуна япаяткъан эр бир адам гунанынъ къулудыр.

2 Пётр 2:19

Озьлери бозукълыкънынъ къуллары олып, оларгъа азатлыкъны ваде этелер. Амма адам неден енъильсе, онынъ къулу ола.

2 Пётр 2:4

Алла гуна япкъан мелеклерни биле аджымады, лякин оларны джеэннемнинъ къаранлыкъ зынджырларынен багълады ве суд кунюне къадар сакълады.

Титке 3:3

Бир вакъытта бизлер акъылсыз, сёз динълемеген, ёлдан урулгъан адамлар эдик. Чокъ тюрлю яман истек ве зевкъларгъа къул олып, яманлыкънен ве пахыллыкънен яшай эдик, пис олып, бир-биримизни кореджек козюмиз ёкъ эди.

Агълав йырлары 3:19

Чеккен азабымны ве раатсызлыгъымны, зафра киби аджджы алымны акъылынъда тут.

Агълав йырлары 3:5

мени алкъагъа алды, чевре-четиме аджджы беля къойды;

Йирмея 9:15

Бунынъ ичюн Ордуларнынъ РАББИси, Исраильнинъ Алласы бойле дей: – Мына, Мен бу халкъкъа аджджы отларны ашатаджагъым, зеэрли сув ичмеге береджегим.

Йирмея 4:18

Бунынъ эписини башынъа арекетлеринъ ве япкъанларынъ тюшюрдилер. Яманлыгъынъ аджджы джеза кетирди, юрегинъни урды.

Ешая 28:22

Энди мыскъылджы олманъыз, ёкъса зынджырларынъыз даа зияде агъыр оладжакъ. Ордуларнынъ РАББИ-ТААЛЯсындан эшиттим ки, бутюн ер юзю къырыладжакъ ве гъайып оладжакъ.

Эюп акъкъында китап 20:14

бойле аш онынъ ичинде, къарнында йылан зеэрине чевириледжек.

Эфеслилерге 4:31

Эр бир къозгъалув ве ачув, гъазап ве къычырув, ифтира ве эр бир яманлыкъ сизден узакъ олсун.