Фаалиет 7:55 - Мукъаддес Китап

⁵⁵ Мукъаддес Рухкъа толгъан Стефан исе кокке тикилип бакъты да, Алланынъ парылдагъан Шуретини ве Онынъ онъ тарафында тургъан Исаны корьди.

Фаалиет 7:55 Referans Kwoze

Марк 16:19

‌Оларнен лаф эткен сонъ, Рабби Иса кокке котерильди ве Алланынъ онъ тарафында отурды.

Еудийлерге 1:3

Огълунда Алланынъ Шурети парылдай, ве Онда Алланынъ Озю дос-догъру бутюнлей корюне. О, Озь къудретли Сёзюнен дюньядаки эр шейни бирликте багълап тура. Гуналар ичюн одеме эткен сонъ, О, юксекликтеки Юдже Алланынъ онъ тарафында ерлешти.

2 Коринтлилерге 4:6

Къаранлыкътан ярыкъ янсын деп, буюргъан Алла бизим юреклеримизни де ярыкълатты, бизге Иса Месихнинъ юзюнде янып тургъан Озюнинъ шуретини бильдирип косьтерди.

Фаалиет 6:10

амма онынъ сёзюндеки икметке ве Рухкъа къаршы чыкъып оламай эдилер.

Фаалиет 6:8

О вакъыт Алланынъ хайырына ве къудретине толгъан Стефан халкъ арасында буюк бельгилер косьтере ве аджайип шейлер япа эди.

Фаалиет 6:5

Бу теклифни бутюн джемиет бегенди, иманлары къатты олгъан ве Мукъаддес Рухкъа толгъан Стефанны, Филипни, Прохорны, Никанорны, Тимонны, Парменни ве еудий динини къабул эткен антиохиялы Николайны сайладылар.

Еудийлерге 8:1

Айткъанларымызнынъ баш фикири шудыр: бизим баш руханийимиз бар. О, коклерде Юдже Алланынъ тахтындаки онъ тарафында отура,

Фаалиет 2:4

Эписи Мукъаддес Рухкъа толдылар ве Рух оларгъа муим шейлер айтмагъа берген къабилиетинен эджнебий тиллерде лакъырды этип башладылар.

Юхан 12:41

Ешая буны айткъанда, Месихнинъ шуретини корип, Онынъ акъкъында айта эди.

Фаалиет 6:3

Дин къардашларымыз, озьлерини яхшы тарафтан косьтерген, Мукъаддес Рух ве акъылгъа толып-ташкъан еди адамны аранъыздан сайлап алынъыз; оларны софра хызметине тайин этермиз.

Микъа 3:8

Мен исе РАББИнинъ Руху къудретине, догърулыкъкъа ве джесаретке толу оладжагъым, Якъуп огъулларына – къанунсызлыгъыны, Исраильнинъ огъулларына – гуналарыны косьтереджегим.

Ехезкель 11:23

РАББИнинъ Шурети шеэрнинъ ортасындан котерилип, шеэрнинъ куньдогъуш тарафындаки дагънынъ устюнде токътады.

Ехезкель 10:4

РАББИнинъ Шурети Керувларнынъ устюнден котерилип, Эвнинъ босагъасына кечти. Булут Эвни толдурды, ве азбарда РАББИнинъ Шурети парылдап башлады.

Сырларнынъ ачылувы 21:11

Шеэр Алланынъ шуретинен нур сача, онынъ йылтырагъаны къыйметли таш, буллюр яшмагъа ошай эди.

2 Пётр 1:17

Улу ве шуретли Алладан: «Бу Меним севимли Огълумдыр! Мен Ондан разым!» – деген сес кельгенинен, Месих Алла Бабадан урьмет ве шуретни къабул этти.

Фаалиет 4:8

Мукъаддес Рухкъа толгъан Пётр оларгъа: – Эй, халкънынъ башлыкълары ве акъсакъаллары!

Юхан 14:3

Мына, Мен барып сизге ер азырлайджагъым да, кене келип, сизни яныма алып кетеджегим. Сонъ Мен олгъан ерде сиз де оладжакъсынъыз.

Ехезкель 10:18

РАББИнинъ Шурети Эвнинъ босагъасындан кетип, Керувларнынъ устюнде токъталды.

Ехезкель 3:23

Мен турдым да, вадийге кеттим. О ерде РАББИнинъ Шурети, Кевар озенинде корьгеним киби, тура эди. Мен бетимнен ерге тюштим.

Юхан 11:41

Сонъра адамлар ташны четке чектилер. Иса исе козьлерини кокке котерип: – Баба, Мени эшиткенинъ ичюн Санъа шукюр, – деди.