Фаалиет 5:5 - Мукъаддес Китап

⁵ Анания бу сёзлерни эшиткенинен, джан берип ерге йыкъылды. Буны бильгенлернинъ эписини къатты бир къоркъу къаплап алды.

Фаалиет 5:5 Referans Kwoze

Фаалиет 2:43

Эр бир джан Алладан къоркъа эди. Эльчилернинъ ярдымынен чокъ аджайип шей ве бельгилер косьтерильди.

Сырларнынъ ачылувы 11:13

О саатте кучьлю бир зельзеле олды, ве шеэрнинъ онда бири йыкъылды. Зельзеледе еди бинъ адам эляк олды. Къалгъанлары къоркъугъа далып, коктеки Алланы шуретледилер.

Сырларнынъ ачылувы 11:5

Эгер ким оларгъа яманлыкъ япмагъа истесе, агъызларындан атеш чыкъаджакъ ве душманларыны ашап ёкъ этеджек. Оларгъа яманлыкъ кетирмеге истеген ольдюрильмек керек.

2 Коринтлилерге 13:2

Мен экинджи кере янынъызда олгъанымда, сизлерни тенбиелей эдим. Энди де, сизден узакъта олсам да, гуна япкъан адамларгъа ве башкъаларгъа эвельден айтам: сизге кельгенимде, ич биринъизни аджымам.

2 Коринтлилерге 7:11

Бакъынъыз, Алланынъ истегине коре джан агърысы себебинден сизлерде озюнъизни акъламакъ ичюн насыл гъайрет пейда олды, насыл гъазап, къоркъу, корюшмек арзусы, къабаатлыны джезаламакъ истеги пейда олды! Буларнынъ эписинен озюнъиз темиз олгъанынъызны косьтердинъиз.

1 Коринтлилерге 4:21

Сиз не истейсинъиз? Янынъызгъа таякънен, я да севгинен ве муляйимлик рухунен барайыммы?

Фаалиет 13:11

Энди Рабби санъа къаршы къол котерди. Сен кёр оладжакъсынъ ве бир къач вакъыткъадже кунешни корьмейджексинъ, – деди. Шу ань бу адамнынъ козьлери думангъа ве къаранлыкъкъа толды. Энди о анда-мында урулып, озюне етекчи къыдыра башлады.

Фаалиет 5:13

Халкъ эльчилерни шерефлеген олса да, тышарыдан ич кимсенинъ оларгъа къошулмагъа джесарети етмей эди.

Ехезкель 11:13

Мен пейгъамберлик япаяткъанда, Бенаянынъ огълу Пелатья ольди. Мен бетим устюне йыкъылдым ве: – Я РАББИ-ТААЛЯ! Исраиллилернинъ къалгъаныны бутюнлей ёкъ этмеге истейсинъми? – деп къычырдым.

Йирмея 5:14

Шунынъ ичюн РАББИ, Ордуларнынъ Алласы бойле дей: – Бойле сёзлер айткъанлары ичюн, сёзюм агъзынъда атеш оладжакъ, бу халкъны да одун киби этеджегим, ве атеш оларны якъып ёкъ этеджек.

Зебур 64:9

Ер юзюнинъ башкъа тарафында яшагъанлар Сенинъ япкъанларынъны корип къоркъаджакълар. Сен кунь догъгъан ве кунь баткъан ерлерни де Озь шуретинъе кетиреджексинъ.

1 Тарих вакъиалары 15:13

Бизлер кереги киби РАББИден сорамагъанымыз, сизлер биринджи кере Сандыкъны ташымагъанынъыз ичюн, РАББИ бизге пек ачувланды, – деди.

1 Тарих вакъиалары 13:12

Шу куню Давут Алладан зияде къоркъты ве: – Алланынъ Сандыгъыны насыл этип озюме кирсетейим? – деди.

4 Падишалар 2:24

Эль-Яса айланып, оларны корьди ве РАББИни чагъырып, оларны къаргъады. Ормандан эки аюв анасы чыкъып, балаларнынъ къыркъ эки данесини парчаладылар.

Нун огълу Ехошуа 22:20

Ёкъ этиледжек шейлерден алып, джинает эткен Зерахнынъ огълу Акъан бир озю дегиль эдими? РАББИнинъ гъазабы исе бутюн Исраиль джемаатына олды. Озь хаинлиги ичюн о, бир озю ольмеди.

Къануннынъ текрары 21:21

О заман шеэр акъайларнынъ эписи оны ташнен урып ольдюрсинлер. Бойле этип, аранъыздаки яманлыкъны ёкъ эт. Эписи исраиллилер буны эшитип, къоркъарлар.

Къануннынъ текрары 13:11

Бутюн Исраиль эшитип къоркъар ве илериде аранъызда бойле яманлыкъны япмаз.

Левийлилер 10:3

Муса Харунгъа бойле деди: – РАББИ: «Манъа якъынлашкъан адамларда азизлигимни косьтеририм, бутюн халкънынъ огюнде шуретли олурым», – дегенде, буны козьде тута эди. Харун индемеди.

2 Коринтлилерге 13:10

Шунынъ ичюн мен даа узакъта олгъанымда, буны язам. Сизге кельген вакъытта манъа берильген къуветни къулланмагъа ве серт олмагъа истемейим. Рабби манъа шу къуветни сизни йыкъмакъ ичюн дегиль, иманынъызны къавийлештирмек ичюн берди.