Фаалиет 5:30 - Мукъаддес Китап

³⁰ Сизлер агъачкъа асып ольдюрген Исаны баба-деделеримизнинъ Алласы тирильтти.

Фаалиет 5:30 Referans Kwoze

Галатиядакилерге 3:13

Месих биз ичюн лянет олды ве бизни Къанун лянетинден сатын алып къуртарды. Бу акъта язылгъан ки, теректе эр бир асылып къалдырылгъан адам лянетлидир.

1 Пётр 2:24

О, гуналарымызны Озь беденине юклеп, оларны терекке котерди. Шунынъ ичюн биз гуналардан айырылдыкъ ве инсафлыкънен яшамагъа башладыкъ. Сизни Онынъ яралары тедавийледилер.

Фаалиет 10:39

Еудийлернинъ топрагъында ве Ерусалим шеэринде Исанынъ япкъан ишлерине биз шаат оламыз. Адамлар Оны агъачкъа асып ольдюрдилер.

Фаалиет 22:14

О манъа: «Сени бабаларымызнынъ Алласы сайлады. Сен, Онынъ истегенини билип ве Инсафлы Олгъанны корип, Онынъ сесини эшитип,

Фаалиет 3:26

Алла, Озюнинъ къулуны тирильтип, эр биринъизни яман ишлеринъизден къайтарып, бойле яхшылыкъ япсын деп, Оны башта сизлерге ёллады.

Фаалиет 2:32

Алла бу Исаны тирильтти, бунъа биз эпимиз шаат олдыкъ.

Лука 1:72

Оны ёллагъанда, Алла баба-деделеримизге мерамет этти, Озюнинъ мукъаддес васиетини,

Узеир 7:27

Бабаларымызнынъ Алласына РАББИге шукюрлер олсун! О, падишанынъ юрегине Ерусалимдеки РАББИнинъ Сарайыны безетмек истегини къойды.

1 Тарих вакъиалары 29:18

Я РАББИ! Бабаларымыз Ибраимнинъ, Исхакънынъ ве Исраильнинъ Алласы! Халкъынънынъ юрегинде бу эйи дуйгъуларны даима сакъла, оларгъа Санъа садыкъ къалмагъа ярдым эт.

1 Тарих вакъиалары 12:17

Давут оларнынъ къаршысына чыкъып, бойле деди: – Эгер хайырлы олып, манъа ярдым этмеге кельген олсанъыз, юрегим сизнен оладжакъ, манъа къошулынъыз. Эгер де яман ниетнен келип, мени душманларымнынъ къолуна бермеге истесенъиз, – меним исе дешетли джинаетлерде къабаатым ёкъ, – баба-деделеримизнинъ Алласы корьсюн де, Озю суд этсин.