Фаалиет 20:4 - Мукъаддес Китап

⁴ Бероядан Пирр огълу Сопатр, Тессалоникеден Аристарх ве Секунд, Дербеден Гай ве Тимотей, Кучюк Асиядан олгъанлардан Тихик ве Трофим онен берабер кеттилер.

Фаалиет 20:4 Referans Kwoze

Фаалиет 19:29

Бутюн шеэр къалабалыкъкъа толды, эписи бирлешип, Павелнинъ ёлдашларыны, македониялы Гай ве Аристархны, туттылар, театр тарафкъа алып кеттилер.

2 Тимотейге 4:20

Эраст Коринт шеэринде къалды. Трофимни хаста алында мен Милет шеэринде къалдырдым.

Эфеслилерге 6:21

Меним ишлерим ве сагълыкъларым насыл олгъаныны билинъиз деп, сизлерге севимли къардашымыз ве Раббининъ ишанчлы хызметчиси Тихик эписини айтып береджек.

Титке 3:12

Артемасны я да Тихикни сенинъ янынъа ёллагъанымдан сонъ, сен меним яныма Никополь шеэрине кельмеге ашыкъ, чюнки мен къышны о ерде кечирмеге къарар эттим.

2 Тимотейге 4:12

Тихикни мен Эфес шеэрине ёлладым.

Колоссайлыларгъа 4:7

Тихик сизлерге меним ишлерим акъкъында бутюн шейлерни бильдирир. О, севимли къардашым, Раббининъ ишанчлы хызметчиси ве меним къул-ишдешим.

Фаалиет 21:29

Буны айткъанларынынъ себеби, эвель шеэрде Павелнен берабер эфесли Трофимни корип, оны Алланынъ Сарайына алып кирген, деп тюшюндилер.

Фаалиет 16:1

Павел Дербе ве Листра шеэрлерине етип кельди. О ерде Тимотей адлы шегирт яшай эди. Онынъ анасы иман тапкъан еудий, бабасы исе юнан эди.

Фаалиет 14:6

Олар исе буны билип, Ликаониянынъ Листра ве Дербе шеэрлерине ве этрафтаки топракъларгъа къачып кеттилер.

Колоссайлыларгъа 4:10

Меннен берабер тюрьмеде отургъан Аристарх, Барнабанынъ эки догъмуш къардашы Марк (онынъ акъкъында сизге буюрдылар: эгер о, сизге барса, оны къабул этинъиз),

3 Юхан 1:1

Акъсакъал – Акъикъатен меним севимли достум Гайгъа:

Филимонгъа 1:24

Ишдешлерим Марк, Аристарх, Демас, Лукадан да селям.

2 Тимотейге 1:2

севимли огълум Тимотейге: Алла Баба ве Раббимиз Иса Месих санъа эйилик, мерамет ве тынчлыкъ-аманлыкъ берсин!

1 Тимотейге 1:1

Павел, Иса Месихнинъ эльчиси (Къуртарыджымыз Алланынъ ве умютимиз Иса Месихнинъ истегинен мен эльчи олдым), –

Филиплердекилерге 2:19

Якъын арада сизге Тимотейни ёлламагъа Рабби Исада умют этем. О вакъыт мен, сизинъ ишлеринъизнен хабердар олып, рухланаджагъым.

2 Коринтлилерге 1:19

Алланынъ Огълу Иса Месих де «эбет», де «ёкъ» демей эди. Онынъ акъкъында сизге мен, Силуан ве Тимотей бильдиргенимизге коре, Онда тек «эбет» бар.

2 Коринтлилерге 1:1

Павел (Алланынъ истегинен Иса Месихнинъ эльчиси) ве дин къардаш Тимотей – Коринт шеэриндеки Алланынъ иманлылар джемиетине ве Ахаянынъ этрафларында яшагъан эписи азизлерге:

Римлилерге 16:23

Манъа ве бутюн иманлылар джемиетине мусафирченлик косьтерген Гай да сизлерге селям эте. Шеэрнинъ хазинеджиси Эраст ве дин къардашымыз Кварт сизлерге селям этелер.

Римлилерге 16:21

Меним ишдешим Тимотей ве сойдашларым Лукий, Ясон ве Сосипатр сизлерге селям ёллайлар.

Фаалиет 27:2

Биз Кучюк Асиянынъ ялыларына бармакъ ичюн, Адрамиттиум гемисине отурып, денъизге чыкътыкъ. Бизнен берабер Тессалоникеден кельген бир македониялы Аристарх да бар эди.

Фаалиет 17:1

Амфиполь ве Аполлония шеэрлеринден кечип, олар Тессалонике шеэрине кельдилер. О ерде еудийлернинъ синагогасы бар эди.

Фаалиет 14:20

Лякин шегиртлер онынъ этрафында топлашкъанда, Павел еринден турып, шеэрге къайтып кирди. Эртеси куню о Барнабанен Дербе шеэрине кетти.

Фаалиет 2:9

Партлылар, мадайлылар ве эламлылар, Месопотамия, Еудие, Къаппадокия, Понт ве Кучюк Асияда яшагъан,

Фаалиет 16:6

Сонъ олар Фригия ве Галатия топракъларыны кечтилер, Мукъаддес Рух исе оларгъа Кучюк Асияда Алланынъ Сёзюни даркъатмагъа ёл бермеди.

Фаалиет 17:13

Павел Алланынъ Сёзюни Бероя шеэринде илян эткенини эшиткенде, Тессалоникедеки еудийлер о ерге келип, халкъны аякъкъа котере башладылар.

Фаалиет 20:16

Павел Кучюк Асияда чокъ вакъыт джоймамакъ макъсадынен Эфес шеэрине кирмейип, оны кечип кетмек къарарына кельген эди. Чареси олса, Берекет Байрамында Ерусалимде олмагъа ашыкъа эди.

Фаалиет 20:18

Олар онынъ алдына кельгенде, о: – Мен Кучюк Асия топрагъына кельген биринджи кунюмден берли, янынъызда бутюн вакъыт девамында насыл яшагъанымны озьлеринъиз билесиз.