Фаалиет 2:1 - Мукъаддес Китап

¹ Берекет Байрамы кельгенде, шегиртлернинъ эписи бир ерде топлашып тура эдилер.

Фаалиет 2:1 Referans Kwoze

Римлилерге 15:6

Сонъ Раббимиз Иса Месихнинъ Бабасы олгъан Алланы бир юрекнен ве бир агъызнен шуретлеп олурсынъыз.

Филиплердекилерге 2:2

мени бутюнлей бахтлы этинъиз ве тюшюнджелеринъизде бир олунъыз, айны бир севгинен севинъиз, озьара бир джан ве бир фикирде олунъыз.

Филиплердекилерге 1:27

Тек Месихнинъ Къуванчлы Хаберине ляйыкъ олып яшанъыз. Я мен келип корьсем я да кельмесем де, бир рухта олгъанынъызны, бир джанда Къуванчлы Хабернинъ иманы ичюн бирликте курешкенинъизни эшитейим.

1 Коринтлилерге 16:8

Берекет Байрамына къадар мен Эфес шеэринде къаладжагъым.

Цефанья 3:9

О вакъыт Мен кене халкъларгъа темиз тиллерни берерим, ве оларнынъ эписи РАББИнинъ Адыны чагъыраджакъ, бирликте Манъа хызмет этеджек.

Фаалиет 4:32

Инангъанларнынъ бутюн джемиети бир джан ве бир юрек эди. Ич бир адам мулькюнден ич бир шейге менимки демейип, эписини умумий деп сая эди.

Чыкъыш 23:16

Тарлада сачкъан Биринджи Махсул Байрамыны япынъыз. Тарладан бутюн берекетинъни джыйгъан сонъ, берекет джыйылув куньлерининъ сонъунда, Махсул Джыйылув Байрамыны япынъыз.

Фаалиет 20:16

Павел Кучюк Асияда чокъ вакъыт джоймамакъ макъсадынен Эфес шеэрине кирмейип, оны кечип кетмек къарарына кельген эди. Чареси олса, Берекет Байрамында Ерусалимде олмагъа ашыкъа эди.

Фаалиет 4:24

Буны эшиткенлер бир агъыздан Аллагъа: – Эй, Укюмдар, ерни, кокни, денъизни ве оларнынъ ичиндеки эр шейни яраткъан Алла!

Йирмея 32:39

Оларгъа бир ёл ве бир юрек береджегим; олар омюрбилля Менден къоркъаджакълар, ве бойле этип, озьлери ве эвлятлары яхшылыкъ кореджеклер.

Чыкъыш 34:22

Биринджи богъдай берекетини джыйып, Афталар Байрамыны, я да Биринджи Махсул Байрамыны япынъыз. Берекет джыйылгъан куньлернинъ сонъунда Махсул Джыйылув Байрамыны япынъыз.

Фаалиет 5:12

Халкъ арасында эльчилернинъ къолларынен чокъ аджайип шейлер ве бельгилер яратыла эди. Эписи иманлылар бир-биринен разы олып, Сулейманнынъ Эйванында топлаша эдилер.

2 Тарих вакъиалары 30:12

Алланынъ къолу исе Ехуданынъ устюнде эди. РАББИнинъ сёзюне коре, падишанынъ ве башлыкъларнынъ буюргъаныны беджермек ичюн, О, оларгъа бирлик берди.

Зебур 133:1

Эй, РАББИнинъ бутюн къуллары, геджелери РАББИнинъ Эвинде тургъанлар, РАББИни алгъышланъыз!

2 Тарих вакъиалары 5:13

Йырджылар да, боразан чалгъанлар да бирдай олып, бир сеснен РАББИни макътай ве Онъа шукюр эте эдилер. Боразанларнынъ, зиллернинъ ве чалгъы алетлерининъ сеси янъгъырады, ве оларнынъ эписи: «РАББИ хайырлыдыр, ве Онынъ буюк севгиси эбедийдир!» – деп РАББИни макътадылар. Сонъ булут бутюн Эвни, РАББИнинъ Сарайыны толдурды.

Фаалиет 2:46

Олар эр кунь бир юрекнен Алланынъ Сарайында топлаша, эвлеринде отьмек болип, къуванчнен ве адийликнен ашай

Фаалиет 1:5

Ягъя адамларны сувгъа батырып темизлей эди, сиз исе бир къач куньден Мукъаддес Рухнен темизленеджексинъиз.

Фаалиет 1:8

Мукъаддес Рух устюнъизге тюшкен сонъ, сиз кучь-къувет аладжакъсыз, Ерусалимде, бутюн Еудиеде, Самариеде ве дюньянынъ кенарынадже Меним шаатларым оладжакъсыз, – деди.

Фаалиет 4:31

Дува окъугъан сонъ, олар топлашкъан ер тепренди. Эписи Мукъаддес Рухкъа толып, Алланынъ Сёзюни джесаретнен айта башладылар.