Фаалиет 17:25 - Мукъаддес Китап

²⁵ Онынъ, инсан къолларынен хызмет этилип япылгъан ич бир шейге мухтаджы ёкъ. О, Озю эписине аят, нефес ве эр бир шейни бере.

Фаалиет 17:25 Referans Kwoze

Башланув 2:7

РАББИ-Тааля топракъ тозундан адамны яратып, бурнунынъ тешиклерине яшайыш нефесини уфюрип киргизди, ве адам тири джан олды.

Римлилерге 11:35

Ким Аллагъа бир шей берген? Кимге Алла къайтармакъ борджлудыр?

Фаалиет 17:28

Биз Онынъ ярдымынен яшаймыз, арекет этемиз, бармыз. Шаирлеринъизден базылары да айткъаны киби: «Биз Онынъ эвлятларымыздыр».

Ешая 42:5

Коклерни яраткъан ве джайгъан, ерни ве анда булунгъан эписи шейлерни ясагъан, дюньядаки адамларгъа нефес берген, устюнде юргенлерге джан берген РАББИ-Тааля бойле дей:

Эюп акъкъында китап 33:4

Мени Алланынъ Руху яратты, Къудретлининъ нефеси манъа омюр берди.

Эюп акъкъында китап 22:2

– Адам Аллагъа файда кетирип олурмы? Акъыллы адам биле тек озюне файда кетире.

1 Тимотейге 6:17

Бу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере.

Эюп акъкъында китап 27:3

Мен сагъ олып, нефес алгъаныма къадар, ичимде Алла берген яшайыш руху олгъанына къадар,

Зекерья 12:1

Исраиль акъкъында РАББИнинъ пейгъамберлик сёзю. Коклерни керген, ер юзюнинъ темелини къойгъан, адамнынъ ичиндеки рухны яраткъан РАББИ бойле дей:

Зебур 16:2

Озюнъ мени суд эт, Сенинъ козьлеринъ акъикъаткъа бакъсын!

Эюп акъкъында китап 12:10

Эр яраткъанынынъ омюри, эр бир адамнынъ джаны Онынъ къолундадыр.

Фаалиет 14:17

Озюни эр вакъыт акъылларына кетире эди. Коктен ягъмур ягъдырып, берекетли заманлар бере, тенинъизни аш-сувнен, юреклеринъизни къуванчнен толдурып, сизлерге эйилик япа эди, – деп къычырдылар.

Матта 9:13

– Сизлер барып: «Мен къурбан истемейим, мерамет истейим», – деген сёзлернинъ манасыны анъламагъа тырышынъыз. Мен инсафлы адамларны дегиль, гуналыларны чагъырмагъа кельдим.

Матта 5:45

Ана ондан сонъ Коклердеки Бабанъызнынъ огъуллары олурсынъыз. О, Озь кунешине эмир эте, ве кунеш эм яхшы адамлар, эм яман адамлар устюне догъа. Алла инсафлылар ве инсафсызлар устюне ягъмур ягъдыра.

Ешая 57:16

Дава этеджегим эбедий дегиль, ачувланаджагъым эр вакъыткъа дегильдир. Ойле олса, Мен яраткъан эр джан ве эр рух такъаттан кесилир эди.

Эюп акъкъында китап 34:14

Эгер О, юрегинде истеп, Рухуны ве омюр берген нефесини арткъа алса,

Сайылар 27:16

– РАББИ, эр джанлы шейге рухуны берген Алла бу джемааткъа бир башлыкъ къойсун,

Сайылар 16:22

Олар бетлеринен ерге тюшип, бойле ялвардылар: – Алла, эр джанлы шейге рухуны берген Алла! Бир адам гуна къазанды, Сен исе бутюн джемааткъа къаршы ачувланасынъмы?

Къануннынъ текрары 30:20

Алланъ олгъан РАББИни сев, Оны динъле, Онъа япыш. О, санъа яшайыш ве узун куньлерни, Ибраим, Исхакъ ве Якъуп деделеринъе бермеге ант эткен топракъта яшамагъа имкяныны бере.

Йирмея 38:16

Цидкия падиша Йирмеягъа: – Бизге омюр берген РАББИнинъ огюнде ант этем! Сени ольдюрмем, джанынъны къыдыргъан адамларнынъ къолуна сени бермем, – деп гизлиден ант этти.