Фаалиет 16:3 - Мукъаддес Китап

³ Тимотейни озюнен берабер алып кетмеге истеген Павел шу этрафтаки еудийлер ичюн оны сюннет этти. Тимотейнинъ бабасы юнан олгъаныны эписи биле эди.

Фаалиет 16:3 Referans Kwoze

Галатиядакилерге 2:3

Олар атта меннен берабер олгъан Титни, юнан олгъанына бакъмадан, сюннет этильмеге меджбур этмедилер.

1 Коринтлилерге 9:20

Еудийлерни Аллагъа алып кельмек ичюн, мен еудийлерге еудий киби олдым. Озюм Къанунгъа коре яшамасам да, Къанунгъа коре яшагъанлар ичюн мен Къанунгъа бойсунгъан киби олдым.

Галатиядакилерге 5:6

Иса Месихте не сюннетнинъ, не сюннетсизликнинъ файдасы ёкъ, тек севгиде озюни косьтерген иманнынъ файдасы бар.

Галатиядакилерге 2:8

чюнки Пётргъа сюннетлилерге эльчи олмагъа ярдым эткен Алла манъа башкъа халкъларгъа эльчи олмагъа ярдым эте эди.

1 Коринтлилерге 7:19

Сюннетлилик де, сюннетсизлик де – ич бир шей дегиль. Амма Алланынъ эмирлерини беджермек керек.

Фаалиет 15:40

Павелнинъ озю исе Силаны сайлады. Дин къардашлары Павелни Алланынъ хайырына къалдыргъан сонъ, о да кетти.

Фаалиет 15:37

Барнаба озюнен берабер Марк деген Юханны алмагъа истеди.

Фаалиет 15:20

Путларгъа союлгъан арам къурбанлыкъ этлеринден, ороспулыкътан, богъулып ольдюрильген айваннынъ этинден ве къан ашавдан озьлерини сакъласынлар, деп оларгъа мектюп язайыкъ.

Филиплердекилерге 2:22

Амма Тимотей озюни насыл косьтергени сизлерге белли, чюнки о, огъул озь бабасынен киби, меннен берабер Къуванчлы Хаберни даркъатып, хызмет эте эди.