10 О алда, сизлер не ичюн Алланы сынап, не бабаларымыз, не бизлер котерип оламагъан юкни шегиртлернинъ бойнуна юклемеге истейсиз?
Биз азат олайыкъ деп, Месих бизни азат этти. Шунынъ ичюн къатты турунъыз ве кене къуллукъ боюндырыгъыны такъманъыз.
Агъыр ве ташымагъа къолайсыз олгъан юкни юк устюне юклеп, инсанларнынъ омузларына ташлайлар, лякин озьлери оларгъа бир пармакънен биле тиймейлер.
Шимди исе, Алланы бильгенинъизде, даа догърусы, сизни Алла бильгенде, насыл этип, кене шу кучьсюз ве заваллы рухий кучьлерге къайтасынъыз? Янъыдан озьлеринъиз къуллукъкъа берильмеге истейсинъизми?
Бу Чадыр – шимдики заман ичюн бир бельги: Аллагъа кетирильген бахшышлар ве къурбанлар ибадет эткен адамларнынъ виджданыны эляллап оламайлар.
– Ёкъ, – деди Ахаз, – сорамайджагъым, РАББИмни сынамайджагъым.
О ерде бабаларынъыз Мени сынавдан кечирдилер ве Мени сынап, къыркъ йыл ичинде ишлеримни корьдилер.
Иса онъа: – Анда даа язылгъан: Раббинъни, сенинъ Алланъны сынама, – деди.
Халкъ Мусанен къавгъа этип: – Бизге ичмеге сув беринъиз, – деди. Муса оларгъа: – Не ичюн сиз меннен къавгъа этесинъиз? Не ичюн РАББИни сынайсынъыз? – деди.
Пётр: – Сиз не ичюн Алланынъ Рухуны сынап бакъмагъа анълаштынъыз? Мына, шимди къапу янында акъайынъны дефн эткенлернинъ адымлары эшитилелер. Энди сени де тышарыгъа алып чыкъаджакълар, – деди.