Фаалиет 12:11 - Мукъаддес Китап

¹¹ Пётр озюне келип: – Энди мен керчектен билем: Рабби мелегини ёллап, мени Ироднынъ къолундан, еудий халкъы беклеген эписи шейлерден къуртарды, – деди.

Фаалиет 12:11 Referans Kwoze

Даниял 6:22

Аллам Озь Мелегини ёллады. О, арсланларнынъ агъзыны къапатты, ве олар манъа зарар кетирмедилер, чюнки мен Алланынъ огюнде къабаатлы дегилим. Эм сенинъ огюнъде де, падиша, мен джинает япмадым, – деди.

Даниял 3:28

О заман Невукъаднеццар: – Шадракъ, Мешакъ ве Авед-Негонынъ Алласы шан-шуретлидир! О, Озюнинъ Мелегини ёллады ве Озюнинъ Онъа умют эткен къулларыны къуртарды. Олар падишанынъ эмирине бойсунмадылар ве озь Алласындан гъайры башкъа аллагъа ибадет этмемек ве онъа табынмамакъ ичюн, озь беденлерини атешке бердилер.

2 Пётр 2:9

Бундан анълашыла ки, иманлыларны сынавлардан насыл къуртармагъа, джезагъа суд этильген инсафсызларны исе джеза кунюнедже насыл сакъламагъа Рабби биле.

Зебур 34:7

Олар себепсиз мен ичюн гизли тузакъны азырлады, себепсиз джаным ичюн чукъурны къазды.

Фаалиет 5:19

Лякин гедже зинданнынъ къапуларыны Раббининъ мелеги ачты, эльчилерни тышарыгъа чыкъарды.

Лука 15:17

О вакъыт акъылыны топлап, озь озюне: «Меним бабамнынъ о къадар чокъ ыргъаты бар, олар эписи тойгъандже аш ашайлар, даа артып къала, мен исе бу ерде ачлыкътан олеятам.

Зебур 33:18

Инсафлылар чагъырса, РАББИ эшитир, бутюн белялардан оларны къорчалар.

Фаалиет 12:7

Шу арада Раббининъ мелеги пейда олды, зинданны нур басты. Мелек Пётрнынъ къабургъасына тюртип: – Тез ол, тур! – деп оны уятты. Шу ань Пётрнынъ къолларындаки зынджырлар тюшип кетти.

Даниял 3:25

Бунъа о: – Иште, мен дёрт багълы олмагъан, атешнинъ ортасында юрген акъайны корем. Оларгъа да бир тюрлю зарар ёкъ. Дёртюнджисининъ къыяфети исе аллаларнынъ огълуна ошай, – деди.

2 Падишалар 22:1

РАББИ Давутны эписи душманларындан ве Шаулдан къуртаргъан куню Давут РАББИге бу йырны йырлады:

Зебур 41:2

Сыгъын чокъракъ сувларына ынтылгъаны киби, джаным Санъа ынтыла, эй, Алла!

Зебур 34:22

Я РАББИ, Сен буны корьдинъ, индемейип отурма! Я Рабби, менден узакълашма!

Эюп акъкъында китап 31:31

Чадырымдаки адамлар: «Онынъ этине къурсакъны тойдурмагъан адам ёкъ!» – айтмай эдими?

2 Тарих вакъиалары 16:9

РАББИнинъ козьлери ер юзюндеки эр шейге бакъа, О, Озюне юрекнен ишангъан адамларгъа къол тута. Сен бу иште акъылсыз шей яптынъ. Шунынъ ичюн сенинъ падишалыгъынъда энди дженклер оладжакъ.

Еудийлерге 1:14

Мелеклернинъ эписи – тек хызмет эткен рухлардыр, олар къуртулышны аладжакъ адамларгъа хызмет этмек ичюн ёлланылгъандыр.

Фаалиет 24:27

Эки йылдан сонъ Феликснинъ ерине Поркий Фест кельди. Еудийлернинъ мераметини къазанмакъ ичюн, Феликс Павелни къапалы къалдыра эди.

Эюп акъкъында китап 5:19

Алты белядан сени къуртарыр, единджиси де санъа зарар кетирип олмаз.

Башланув 26:9

Авимелек Исхакъны чагъыртты ве онъа: – Керчектен де, о, сенинъ апайынъдыр. Насыл олып да, сен: «О, меним къызкъардашымдыр», – дединъ? – деди. – Мени онынъ ичюн ольдюрирлер, деп тюшюндим, – деди онъа Исхакъ.

Башланув 18:13

РАББИ Ибраимге: – Саренинъ: «Манъа, къарт къадынгъа, бала тапмакъмы?» – деп кульгени недир?

Башланув 15:13

РАББИ Ибрамгъа бойле деди: – Биль ки, сенинъ эвлятларынъ гъурбетликте кельмешек оладжакъ; оларны къул этип, 400 йыл зулум этеджеклер.

Фаалиет 25:9

Фест, еудийлернинъ мераметини къазанмакъ ичюн, Павелден: – Ерусалимге барып, о ерде меним алдымда бу хусуста укюм этильмеге истейсинъми? – деп сорады.

Зебур 33:19

РАББИ къырыкъ юрекли адамларгъа якъын, О, рухтан тюшкенлерни къуртараджакъ.