Фаалиет 11:8 - Мукъаддес Китап

⁸ Мен исе: «Ёкъ, асла, Раббим! Меним агъзыма ич бир вакъыт кирли я да арам шей кирмеди», – дедим.

Фаалиет 11:8 Referans Kwoze

Римлилерге 14:14

Мен билем ве, Рабби Исагъа инанып, къатты эминим ки, ич бир шей озь-озюнден арам дегиль. Лякин адам бир шейни арам сайса, о шей онъа арамдыр.

1 Коринтлилерге 7:14

Иманлы апай имансыз акъайны азиз эте, ве иманлы акъай имансыз апайны азиз эте. Бойле олмаса, балаларынъыз арам олур эдилер, шимди исе азизлер.

Хошеа 9:3

Олар РАББИнинъ топрагъында яшамаз, лякин Эфраим Мысыргъа къайтар, Ашшурда да арам шейлерни ашар.

Марк 7:2

Олар, Исанынъ шегиртлеринден базылары кирли къолларынен, яни эллерини ювмайып, отьмек ашагъанларыны корьгенлер.

Левийлилер 11:47

Арам шейни элял шейден айырынъыз, эти ашамагъа мумкюн олгъан айванларны мумкюн олмагъан айванлардан айырынъыз.

Левийлилер 10:10

Азиз шейни адий шейден, арам шейни элял шейден айырынъыз,

Фаалиет 11:7

О вакъыт: «Пётр, тур да, сой ве аша!» – деген бир сес эшиттим.

Фаалиет 11:9

Сес экинджи кере коктен эшитилип: «Алла эляллагъаныны арам сайма», – деди манъа.