Фаалиет 10:16 - Мукъаддес Китап

¹⁶ Бу шей учь кере текрарланды. Сонъ чаршаф бирден кокке котерильди.

Фаалиет 10:16 Referans Kwoze

2 Коринтлилерге 13:1

Мен энди учюнджи кере янынъызгъа келеятам. Эр бир къабаат эки я да учь шаатнынъ сёзлеринен тасдыкъланмакъ керек.

Юхан 21:17

Сонъ учюнджи кере Пётрдан сорады: – Юхан огълу Симон, сен Мени севесинъми? Озюнден учюнджи кере: «Мени севесинъми?» – деп сорагъанына Пётрнынъ джаны агъырды. – Рабби! Сен эр шейни билесинъ, мен Сени севгенимни де билесинъ, – деди Пётр. Иса онъа шойле деди: – Къойларымны ашат!

Башланув 41:32

Тюшнинъ фыравун ичюн эки кере текрарланувы – Алланынъ сёзю акъикъий ве Алла буны тезден япаджагъы демектир.

Ехезкель 11:24

Меним руямда Алланынъ Руху мени котерип, къасдийлилернинъ мемлекетине, сюргюн этильгенлернинъ арасына кетирди. Бундан сонъ мен корьген шейлер битти.

Фаалиет 10:15

Сес кене онъа экинджи сефер эшитилип: – Алла эляллагъаныны арам сайма! – деди.

Фаалиет 10:17

Пётр даа ич бир шей анъламайып, онъа корюнген руянынъ не манасы бар экен, деп отургъанда, Корнелий ёллагъан адамлар Симоннынъ эвини сораштырып, къапунынъ босагъасында токътадылар.