Еудийлерге 9:2 - Мукъаддес Китап

² Чадырнынъ биринджи болюги япылгъан эди. Онынъ ичинде къандиль, стол ве теклиф пителери бар эди. О, «Мукъаддес Ер» деп адландырылгъан эди.

Еудийлерге 9:2 Referans Kwoze

Чыкъыш 40:4

Сонъ столны кетирип, устюне эписи шейлерини къой. Къандильни кетирип, онынъ устюне лампатларыны къой.

Чыкъыш 26:35

Перденинъ огюнде столны ве столнынъ къаршысына къандильни къой. Къандильни Мескеннинъ дженюп тарафында, столны шаркъий тарафында къой.

Чыкъыш 40:2

– Биринджи айнынъ биринджи кунюнде Мескенни – Корюшюв Чадырыны къой.

Чыкъыш 26:33

Пердени ченгеллерге ас, ве анда, онынъ артына, Шаатлыкъ Сандыгъыны кирсет. Перде Мукъаддес Ерни Энъ Мукъаддес Ерден айырыр.

Чыкъыш 29:35

Харуннен ве огъулларынен эписини тамам Мен санъа эмир эткеним дайын яп. Еди кунь девамында оларны руханий эт.

Чыкъыш 29:1

Олар Меним руханийлерим олсунлар деп, сен оларны мына бойле айырып азиз этмек керексинъ: бир яш бузавны ве эки къусурсыз къочкъарны сайлап ал,

Чыкъыш 25:23

Акация терегинден стол яса. Онынъ узунлыгъы бир метр, кенълиги ярым метр, юксеклиги де 0,75 метр олсун.

Чыкъыш 25:30

Столнынъ устюне, Меним козюм огюне даима Меним булунувымны косьтерген пителерни къой.

Чыкъыш 25:31

Темиз алтындан къандиль яп. Бу къандиль бир кесек маденден дёгюлип япылмакъ керек. Темели ве сапы, лампатлар къоймакъ ичюн чаначыкълары, гоньджелери ве чечеклери алтыннынъ бир бутюн кесегинден япылсынлар.

Чыкъыш 26:1

Мескенни он дане индже ишленген кетенден ве мор, мавылы къырмызы ве ачыкъ къырмызы юньден япылгъан безлерден яса. Оларнынъ устьлерине усталыкънен Керувларны нагъышла.

Матта 5:15

Чыракъ якъкъанда, онынъ устюни савутнен къапатмайлар, аксине, оны шамдан устюне ерлештирелер, ве о, ярыгъыны эвдекилернинъ эписине бере.

Матта 12:4

– Алланынъ Эвине кирип, Давут озю ве янындакилери тек руханийлерге ашамагъа мумкюн олгъан теклиф пителерини ашагъанлар.

Еудийлерге 9:25

Баш руханий айванларнынъ къанынен Энъ Мукъаддес Ерге эр йыл кире. Месих исе Озь къаныны чокъ кере кетирмек керекмей.