Еудийлерге 7:2 - Мукъаддес Китап

² Ибраим онъа эр бир шейден онда бир пайыны берди. Мелкиседек адынынъ биринджи манасы – «догърулыкъ падишасы», сонъра о, Салим шеэрининъ падишасы, яни тынчлыкъ-аманлыкъ падишасыдыр.

Еудийлерге 7:2 Referans Kwoze

Сайылар 18:21

Левий огъулларына, Корюшюв Чадырында беджерген хызметлери ичюн, Мен Исраильде бутюн олгъан барлыгъынынъ онда бир пайыны оларнынъ пайы оларакъ бердим.

Зебур 72:7

Козьлери семизликтен патлап чыкъар, юреклери яман фикирлерни догъар.

1 Тарих вакъиалары 22:9

Амма сенинъ огълунъ оладжакъ, о, барышыкъ ве тынчлыкъ севген адам оладжакъ. Мен оны эр тарафтан саргъан душманларындан къуртарып, раатлыкъ береджегим, шунынъ ичюн онынъ ады Сулейман оладжакъ. Сулейманнынъ куньлеринде Мен Исраильге аманлыкъ ве тынчлыкъ береджегим.

2 Падишалар 23:3

Исраиль Алласы, Исраильнинъ Къаясы манъа деди: Адамларгъа адалетли падишалыкъ япкъан адам, Алладан къоркъып падишалыкъ япкъан адам –

2 Падишалар 8:15

Давут бутюн Исраильге падишалыкъ япты, озюнинъ бутюн халкъыны акълы суд этти.

1 Падишалар 8:17

Къой-эчкилеринъизнинъ он пайда бир пайыны озюне аладжакъ, озьлеринъиз де онъа хызметчи оладжакъсынъыз.

1 Падишалар 8:15

Сизинъ джыйгъан ашлыкъ ве юзюм махсулларынъызнынъ он пайда бир пайыны озюне аладжакъ да, озь хызметчи ве везирлерине береджек.

Башланув 28:22

мына бу мен абиде этип къойгъан таш Алланынъ Эви олур. Сен береджек эр бир шейинъден мен Санъа он пайда бир пайыны береджегим.

Римлилерге 3:26

Кечкен заманларда Алла гуналаргъа сабырнен чыдай эди, шимди исе Озюнинъ акълылыгъыны ве адалетли олгъаныны косьтере ве Исагъа иман эткенлерни акълай.

Лука 2:14

– Юкъары коклерде Аллагъа шан-шурет! О мемнюн олгъан адамларгъа ер юзюнде барышыкъ олсун! – дедилер.

Микъа 5:5

О, оларгъа аманлыкъ чокърагъы оладжакъ. Ашшур мемлекетимизге басып кельгенде ве сарайларымызгъа киргенде, биз оларгъа къаршы еди башлыкъны, секиз ёлбашчыны биле чыкъараджакъмыз.

Левийлилер 27:32

Туварларнынъ ве къой-эчкилернинъ онда бир пайы – чобаннынъ таягъы тюбюнде кечкен эр бир онуджы айван РАББИге азиз бахшыш олсун.

Матта 1:23

«Бакъынъыз, къыз юклю олып, огъул догъаджакъ, Адыны Иммануэл къояджакълар». Иммануэл – «Алла бизнен» демектир.

Еудийлерге 7:1

Мелкиседек Салим шеэрининъ падишасы ве Юдже Алланынъ руханийи эди. Ибраим падишаларны енъип къайтаяткъанда, Мелкиседек оны къаршыламагъа чыкъты ве хайыр дувасыны окъуды.

Еудийлерге 7:3

О, анасыз, бабасыз, сойларнынъ джедвелисиз. Омрюнинъ не башланувы, не сонъу бар. О, Алланынъ Огълу киби, эбедий руханийликте булуна.