Еудийлерге 4:10 - Мукъаддес Китап

¹⁰ Онынъ раатлыкъ ерине кирген адам, Алла Озь ишлеринден насыл раатлангъан олса, озь ишлеринден бойле де раатланаджакъ.

Еудийлерге 4:10 Referans Kwoze

Сырларнынъ ачылувы 14:13

Сонъ коктен манъа айткъан бир сесни эшиттим: – Буны язып ал: «Не къадар бахтлылар Рабби Исагъа садыкъ олып, шу аньден башлап ольгенлер!» – Эбет, – дей Рух, – олар озь ишлеринден раат оладжакъ, артларындан оларнынъ япкъан ишлери келеджек.

Еудийлерге 10:12

Месих исе гуналар ичюн бир къурбанны кетирген сонъ, Алланынъ онъ тарафында эбедиен отурды.

Юхан 19:30

Иса бир ютум шарап ичип: – Эр шей ерине кельди! – деди де, башыны эгип джан берди.

Еудийлерге 1:3

Огълунда Алланынъ Шурети парылдай, ве Онда Алланынъ Озю дос-догъру бутюнлей корюне. О, Озь къудретли Сёзюнен дюньядаки эр шейни бирликте багълап тура. Гуналар ичюн одеме эткен сонъ, О, юксекликтеки Юдже Алланынъ онъ тарафында ерлешти.

Башланув 2:2

Единджи кунюне Алла Озюнинъ япкъан ишлерини битирген эди. Единджи куню О, Озюнинъ япкъан эписи ишлеринден раатланды.

Еудийлерге 4:9

Демек, Алланынъ халкъы ичюн даа раатлыкъ вакъты бар.

Сырларнынъ ачылувы 6:11

Оларнынъ эр бирине беяз урба берильди ве къыскъа бир вакъыт даа беклемеге керек олгъаны айтылды, чюнки озьлери киби ольдюриледжек Алланынъ къулларынынъ ве дин къардашларынынъ сайысы толу олмагъа керек эди.