Еудийлерге 12:6 - Мукъаддес Китап

⁶ Рабби севген адамны тербиелей, къабул эткен эр огълуны джезалай.

Еудийлерге 12:6 Referans Kwoze

Сырларнынъ ачылувы 3:19

Мен кимни севсем, оны сёгем ве джезалайым. Шунынъ ичюн гъайретли ол ве тёвбе эт.

Икметли сёзлер 3:12

Баба севимли огълуны джезалагъаны киби, РАББИ де кимни севе, оны да джезалай.

Икметли сёзлер 13:24

Таякъны аджыгъан адам огълундан нефрет эте, огълуны севген исе оны гъайретнен тербиелей.

2 Падишалар 7:14

Мен онынъ бабасы олурым, ве о – Меним огълум олур. Эгер о гуна япса, Мен оны инсанларнынъ къамчыларынен ве котеклеринен джезаларым.

Йирмея 10:24

Я РАББИ, мени ачувынъда дегиль де, адалетнен джезала, ёкъса мен бутюнлей гъайып оладжагъым.

Къануннынъ текрары 8:5

Юрегинъизде тутунъыз: адам огълуны догъру ёлгъа къойгъаны киби, Алланъ олгъан РАББИ де сизни догъру ёлгъа къоя.

Якъуп 1:12

Не де бахтлыдыр сынавгъа даянгъан адам. Сынавдан кечкен сонъ, о, тадж киби, эбедий яшайышны аладжакъ. Алла бу мукяфатны Оны севгенлерге бермеге сёз берди.

Якъуп 5:11

Сонъунадже сабыр эткенлерни биз бахтлы саямыз. Эюпнынъ сабыры акъкъында эшиткенсиз ве сонъунда Рабби нелер япкъаныны билесиз. Рабби пек мераметли ве шефкъатлыдыр.

Ешая 27:9

Бунынънен Якъупнынъ къабааты одеме этиледжек, гунасындан вазгечкенде, ишлери ойле оладжакъ: къурбан ерлерининъ эписи ташларыны, киреч киби, тозгъа чевиреджек, Ашера путуна табынма диреклерини кеседжек, къокъулы отлар якъыладжакъ ерлерни бозаджакълар.

Икметли сёзлер 3:11

Огълум, РАББИнинъ огютини ред этме ве опькесинден нефретленме.

Агълав йырлары 3:39

яшагъанлар не ичюн агъланалар? Эр кес озь гуналары ичюн агълансын!

Рут акъкъында китап 1:3

Ноомийнинъ акъайы Элимелек ольген сонъ, о, эки огълунен янъгъыз къалды.