Еудийлерге 10:26 - Мукъаддес Китап

²⁶ Эгер биз акъикъатны билип, эп бир гуна япа берсек, энди гуналар ичюн башкъа къурбан олмаз.

Еудийлерге 10:26 Referans Kwoze

Юхан 9:41

Иса оларгъа: – Эгер кёр олсанъыз, гунанъыз олмаз эди. Лякин сиз, козьлеримиз корелер, дегенинъиз ичюн, гунанъыз сизде къала, – деди.

Лука 12:47

Эфендисининъ истегенини бильген, амма азыр олмагъан ве эфендисининъ истегини беджермеген къул чокъ котек ашайджакъ.

Якъуп 4:17

Демек, ким хайырлы иш япмагъа керек олгъаныны билип, япмаса, гуна къазана.

1 Юхан 5:16

Эгер бир адам озь агъа-къардашынынъ олюм кетирмейджек гуна япкъаныны корьсе, онынъ ичюн дува окъусын. Алла олюм кетирмейджек гуна япкъан адамгъа омюр багъышлар. Лякин олюм кетиреджек гуна да бар. Онынъ акъкъында дува окъунъыз демейим.

2 Тессалоникелилерге 2:10

О, озь олюмине кетеяткъанларны эр тюрлю яманлыкъларнен ёлдан ураджакъ. Олар къуртулыш береджек акъикъат севгисини къабул этмедилер.

Юхан 13:17

Эгер буны анъласанъыз, буны беджерип бахтлы олурсыз!

1 Тимотейге 1:13

Мен эвельден Оны яманлагъан, залым, джан агъырткъан адам эдим. Лякин манъа мерамет костерильди, чюнки буны бильгисизликтен ве имансызлыкътан япа эдим.

Къануннынъ текрары 17:12

Ким терс этип, Алланъ олгъан РАББИнинъ огюнде хызмет эткен руханийни я да къадыны динълемесе, о адамны ольдюрмек керек. Бойлеликнен, яманлыкъны Исраильден ёкъ эт.

Левийлилер 4:2

– Исраиль огъулларына бойле деп айт: Бир адам бильмейип, РАББИнинъ насылдыр эмирини бозгъанда ве гуна къазангъанда, эмирлерининъ бирине къаршы бир шейни япкъанда,

Левийлилер 4:13

Исраильнинъ бутюн джемааты бильмейип гуна къазангъанда, бутюн топлашув буны бильмейип япкъанда, РАББИнинъ эмирлерине къаршы бир шей япкъанда, япмагъа олмагъан шейни япып къабаатлы олгъанда,

1 Падишалар 2:25

Бир адам башкъа адамгъа къаршы гуна ишлесе, онынъ ичюн Аллагъа дува этелер. Эгер де адам РАББИге къаршы гуна ишлесе, онынъ ичюн ким дува окъуйджакъ? Лякин олар бабасыны динълемедилер. РАББИ энди оларгъа олюм къарары чыкъаргъан эди.

1 Тимотейге 2:4

О, эписи адамларнынъ къуртуладжагъыны ве акъикъатны биледжегини истей.