Еудийлерге 1:12 - Мукъаддес Китап

¹² Сен оларны, эски килимни киби, сараджакъсынъ, кирли урба дайын, денъиштиреджексинъ. Сен Озюнъ исе денъишмейджексинъ, Сенинъ йылларынъ ич битмейджек.

Еудийлерге 1:12 Referans Kwoze

Еудийлерге 13:8

Иса Месих денъишмез. О, тюневин, бугунь ве эбедиен айныдыр.

Якъуп 1:17

Эр бир яхшы ве мукеммель бахшыш юкъарыдан, коклердеки ярыкъларны яраткъан Бабадан келе. О, денъишип тургъан кольгеге ошамаз, ич бир вакъыт денъишмез.

Юхан 8:58

Иса оларгъа: – Сизге керчектен догърусыны айтам: Ибраим даа олмаздан эвель, Мен Барым, – деди.

Зебур 90:4

Озь къанатларынен сени япар, къанатлары астында хавфсыз алда олурсынъ; Онынъ акъикъаты санъа къалкъан ве къора олур!

Чыкъыш 3:14

– Мен – бу Мендирим, – деди Алла Мусагъа. – Исраиль огъулларына бойле деп айт: «Мени сизге “Мен Барым” деп адландырылгъан ёллады».

Эюп акъкъында китап 36:26

Мына, Алла буюк, ве биз Оны бутюнлей анълап оламаймыз, йырларынынъ сайысы эсапланмаз.

Ешая 38:12

Яшагъан ерим менден алына, чобан чалашы киби, менден узакълаша. Кетен безини сарып джыйыштыргъан токъумаджыгъа ошап, омюримни битирмек кереким; о, басманы кескени киби, омрюмни кесе. Гедже-куньдюз мени гъайып этесинъ.