Эстер 6:11 - Мукъаддес Китап

¹¹ Хаман урбанен атны алды ве Мордекъайны кийиндирди, оны ат устюнде шеэрнинъ мейданына чыкъарды ве онынъ огюнде къычырып бойле илян этти: «Падиша урьмет косьтермеге истеген адамгъа бойле япылыр!»

Эстер 6:11 Referans Kwoze

Лука 1:52

Укюмдарларны тахтларындан алып ташлады, алчакъгонъюллилерни исе юксельтти.

Сырларнынъ ачылувы 3:9

Мына, Шейтаннынъ топлашувындан олгъанлар озьлерине еудий дейлер, амма олар еудий дегиллер, олар тек ялан айталар. Мен оларгъа ойле бир шей япарым ки, олар келип, сенинъ аягъынъа баш эгерлер, Мен сени не къадар севгенимни билирлер.

Ешая 60:14

Сени эзиетлегенлернинъ огъуллары баш эгип санъа келеджеклер, санъа сайгъысызлыкъ косьтерген эр кес аякъларынъа тюшеджеклер, санъа: «РАББИнинъ шеэри, Исраиль Азизининъ Сионы», – дейджеклер.

Эстер 9:3

Виляет башлыкъларынынъ эписи, акимлер, башкъа башлыкълар ве падиша ишлерини беджергенлер Мордекъайдан пек къоркътылар ве ехудалыларгъа къол туттылар.

Эстер 8:15

Мордекъай мор ве беяз тюстеки падиша урбасынен, башында балабан алтын таджынен, сыртында индже кетенден мавылы къырмызы бир япынджанен падишадан чыкъты. Шушан шеэри де шенъленди ве къуванды.

Узеир 6:13

Бундан сонъра, озеннинъ о бир тарафындаки виляетнинъ акими Таттенай, Шетар-Бознай ве оларнынъ аркъадашлары Дарьявеш падиша буюргъаныны гъайретнен яптылар.

Эстер 6:10

Падиша Хамангъа: – Тез урбанен атны ал да, сен айткъанынъ киби, сарайнынъ къапусы янында отургъан ехудалы Мордекъайгъа яп. Бакъ, айткъанларынъдан бир шейни къачырма, – деди.

Эстер 6:12

Сонъ Мордекъай кене сарай къапусы янына къайтты. Хаман исе бетини къапатып, гъам ичинде эвине ашыкъты.

Икметли сёзлер 27:18

Инджир терегини бакъкъан адам мейвасындан ашар, эфендисини къорчалагъан исе шурет къазаныр.