Эстер 4:8 - Мукъаддес Китап

⁸ Бундан гъайры, о, ехудалыларны ольдюрюв акъкъында Шушанда даркъалгъан къануннынъ копиясыны да онъа берди. О, кягъытны Эстерге косьтереджек ве анълатаджакъ эди. Мордекъай Эстерге, о, падишагъа барсын, ондан мерамет истесин ве озь халкъы ичюн ялварсын деп, буюрды.

Эстер 4:8 Referans Kwoze

Джемаат башы 10:4

Башлыгъынъ санъа къаршы гъазапланса, еринъден кетме, чюнки сувукъкъанлыкъ буюк янълышларны бастырыр.

Эюп акъкъында китап 9:15

Акълы олсам биле, Онъа джевап бермем, коклердеки Къадымдан тек мерамет истерим.

Эстер 2:20

Эстер, Мордекъай онъа буюргъаны киби, озь сой-соплугъы ве халкъы акъкъында бир шей айтмагъан эди. Мордекъайнынъ эвинде осип яшагъанындаки киби, Эстер эп онынъ айткъанларыны япа эди.

1 Тимотейге 6:17

Бу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере.

1 Тимотейге 6:13

Эписине омюр берген Алланынъ огюнде ве Понтий Пилаткъа Озь иманыны ачыкътан косьтерген Иса Месихнинъ огюнде санъа буюрам:

Фаалиет 12:20

Онынъ Тир ве Сидон сакинлерине буюк ачувы бар эди. Олар исе озьара анълашып, онынъ алдына кельди. Падишанынъ сарай хызметчиси Бластны озь тарафларына чекип, барышмагъа истедилер. Чюнки олар ичюн керек олгъан аш-сув падишанынъ топрагъындан алына эди.

Икметли сёзлер 21:1

Падишанынъ юреги РАББИнинъ элиндедир, акъымдаки сув киби, оны истегени киби чевирир.

Эстер 8:6

Халкъымнынъ башына тюшкен беляны насыл этип корерим? Тувгъанларымнынъ олюмини корьгениме насыл этип даянырым?

Эстер 4:9

Хатакъ келип, Мордекъайнынъ сёзлерини Эстерге айтып берди.