Эстер 3:7 - Мукъаддес Китап

⁷ Ахашверош падишалыгъынынъ 12-нджи йылында, биринджи айда, яни Нисан айында, олар Хаманнынъ огюнде «пур» ташладылар, яни джереп чектилер, къайсы куньде ве къайсы айда арекет этмеге кереклигини бильмеге истедилер. Джереп 12-нджи айгъа, яни Адар айына тюшти.

Эстер 3:7 Referans Kwoze

Узеир 6:15

Бу Эвнинъ къурулмасы Адар айынынъ учюнджи кунюне, Дарьявеш падишанынъ падишалыгъынынъ алтынджы йылында битирильди.

Икметли сёзлер 16:33

Адам джереп ташыны ата, амма онынъ косьтергени РАББИден келе.

Матта 27:35

Сонъ Оны хачкъа мыхлап къойдылар. Урбалары ичюн джереп чекип, озьара пайлаштылар

Эстер 9:21

ве эр йыл Адар айынынъ 14-юнджи ве 15-инджи куньлери байрам япмагъа буюрды.

Эстер 9:5

Ехудалылар бутюн душманларыны къылычнен урып ольдюрдилер ве ёкъ эттилер. Озь душманларынен истегенлерини яптылар.

Эстер 9:1

12-нджи айнынъ, яни Адар айынынъ 13-юнджи кунюнде падишанынъ буюргъаны ве къануны беджерильмеге вакъты-саати кельди. О куню ехудалыларнынъ душманлары оларны бойсундырмакъ умютинде эдилер, амма аксине чыкъып, ехудалылар душманларыны бойсундырдылар.

Эстер 2:16

Ахашверош падишалыгъынынъ единджи йылында, онунджы айда, яни Тевет айында Эстерни Ахашверош падишагъа, падишанынъ сарайына алып кетирдилер.

Эстер 1:3

Падишалыгъынынъ учюнджи йылында о, бутюн башлыкълары ве хызметчилери ичюн, фарслы ве мадайлы орду башлыкълары ве мырзалары, эм де озь янындаки виляетлерининъ башлыкълары ичюн байрам япты.

Нехемья 2:1

Нисан айында, падиша Артахшаста падишалыгъынынъ 20-нджи йылында, падишагъа шарап кетирильгенде, мен оны алып, падишагъа бердим. О куньге къадар падиша мени бир вакъыт гъамлы корьмеген эди.

Узеир 4:6

Ахашверош падиша олгъанда, онынъ падишалыгъы башлангъанда, олар Ехудада ве Ерусалимде яшагъанларны къабаатлагъан бир мектюп яздылар.