Эстер 3:2 - Мукъаддес Китап

² Падишанынъ буюргъанына бойсунып, сарай къапусы янында отургъан падишанынъ эписи хызметчилери Хаманнынъ огюнде тиз чёке ве бель буке эдилер. Мордекъай исе не тиз чёкти, не де бель букти.

Эстер 3:2 Referans Kwoze

Филиплердекилерге 2:10

Исанынъ Адына коктеки, ер юзюндеки ве ер тюбюндеки эр ким тиз чёксюн

Зебур 15:4

Башкъа аллаларгъа инангъанларнынъ дертлери чокълашсын! Олар къан тёкип, ичерлик бахшышларыны кетирелер; мен исе буны япмам, агъзымдан оларнынъ адлары биле чыкъмаз.

Эстер 5:9

О куню Хаман зияфеттен шенъ ве кейфли алда чыкъты. Лякин о вакъыт о, сарайнынъ къапусында Мордекъайны корьди. Мордекъай онынъ огюнде еринден турмайып къыбырдамады. Хаманнынъ Мордекъайгъа къаршы ачувы толып-ташты.

Эстер 3:5

Хаман, Мордекъай онъа тиз чёкмегенини ве бель букмегенини корип, онъа къаршы олгъан ачувы толып-ташты.

Эстер 3:1

Бу вакъиалардан сонъ Ахашверош падиша агъагълы Хаммедатанынъ огълу Хаманны буюк адам япты. Падиша оны юксельтти ве онъа эписи башлыкълардан юксек ерни берди.

Эстер 2:21

Мордекъай падишанынъ къапусы янында отургъан вакъытта, къапунынъ къаравуллары, падишанынъ эки везири Бигтан ве Тереш, Ахашверош падишагъа къаршы ачувланып, оны ольдюрмеге истедилер.

Эстер 2:19

Къызларны экинджи кере алып топлагъанларда, Мордекъай падишанынъ къапусы янында отура эди.

1 Падишалар 15:3

Энди бар да, амалеклилерге уджюм эт, онынъ эр бир шейини ёкъ эт. Оларны аджыма. Акъаймы, апаймы, генчми, къундакътаки баламы, бугъамы, къоймы, девеми, эшекми, – эписини ольдюр».

Къануннынъ текрары 25:19

Алланъ олгъан РАББИ санъа, саип олмакъ ичюн мульк оларакъ береджек топракъта, сени эписи чевре-четиндеки душманларынъдан къуртарып, раат этсе, амалеклилернинъ эсирини биле ер юзюнде къалдырма. Бакъ, буны унутма!

Чыкъыш 17:16

ве: – Къолларым РАББИнинъ тахтына тараф котерильгенлери ичюн, РАББИ Амалекке къаршы несильден несильге дженк этеджек, – деди.

Чыкъыш 17:14

Сонъ РАББИ Мусагъа: – Буны акъылда тутмакъ ичюн, эльязмада язып, Ехошуанынъ къулагъына мытлакъа къой ки, Мен ер юзюнде амалеклилернинъ изини биле къалдырмам, – деди.

Башланув 41:43

Озюнинъ экинджи арабасында оны алып юрмеге ве огюнден «Аврех!» – деп къычырмагъа эмир этти. Бойлеликнен, фыравун Юсуфны бутюн Мысыр топрагъынынъ башлыгъы этти.

Эстер 2:5

Шушан къалесинде Мордекъай адлы бир ехудалы яшай эди. Онынъ бабасы – Яир, Яирнинъ бабасы – Шимий, Шимийнинъ бабасы – Киш, Киш исе Биньяминнинъ къабилесинден эди.

Эстер 3:3

Падишанынъ эписи хызметчилери сарай къапусы янында отургъанда, Мордекъайдан: – Сен не ичюн падишанынъ буюргъаныны бозасынъ? – деп сорай эдилер.

Даниял 2:49

Даниял падишагъа риджа этти, ве падиша Шадракъны, Мешакъны ве Авед-Негоны Вавилон виляетининъ ишлерине башлыкъ этип къойды. Даниял исе падишанынъ сарайында къалды.