Эстер 2:7 - Мукъаддес Китап

⁷ О, эмджесининъ къызы Хадассаны (яни Эстерни) осьтюрип тербиеледи, чюнки онынъ не анасы, не де бабасы бар эди. Къызнынъ эм бедени, эм бети дюльбер эди. Ана-бабасы ольген сонъ, Мордекъай оны озь къызы оларакъ озюне алгъан.

Эстер 2:7 Referans Kwoze

Эстер 2:15

Эстернинъ падишагъа кирмеге вакъты кельди. (Эстер Авихаилнинъ къызы, Авихаил – Мордекъайнынъ эмджеси эди. Мордекъай Эстерни озь къызы оларакъ озюне алгъан.) Эстер озюне ич бир шейни истемеди, тек падишанынъ везири, апайларнынъ къаравулы Хегай онъа айткъан шейлерни алды. Ве бойледже Эстер эр кеснинъ урьметини къазанды.

Эфеслилерге 6:4

Бабалар, балаларынъызны ачувландырманъыз, лякин оларны Раббининъ огюти ве огретювинен тербиеленъиз.

2 Коринтлилерге 6:18

сизлерге Баба олурым. Сизлер Меним огъул ве къызларым олурсыз, – дей Къудретли Рабби.

Эстер 1:11

Вашти къыраличени, башында къыраличе таджынен, онъа алып кельмеге буюрды. Падиша халкъларгъа ве башлыкъларына онынъ не къадар дюльбер олгъаныны косьтермеге истеди. О, керчектен де пек дюльбер эди.

Башланув 48:5

Шимди, мен Мысыргъа кельмезден эвель Мысыр топрагъында догъгъан сенинъ эки огълунъ Эфраим ве Менашше, огъулларым Рубен ве Шимеон киби, менимки оладжакълар.

1 Юхан 3:1

Бакъынъыз, биз «Алланынъ балалары» адландырылайыкъ деп, Баба бизге не къадар буюк севги косьтерди! Керчектен де, биз Онынъ балаларымыз! Лякин дюнья бизни танымай, чюнки о, Бабаны танымагъан.

Эстер 2:20

Эстер, Мордекъай онъа буюргъаны киби, озь сой-соплугъы ве халкъы акъкъында бир шей айтмагъан эди. Мордекъайнынъ эвинде осип яшагъанындаки киби, Эстер эп онынъ айткъанларыны япа эди.

Эстер 8:1

О куню Ахашверош падиша ехудалыларнынъ душманы Хаманнынъ эвини Эстер къыраличеге берди. Эстер падишагъа Мордекъай онъа ким олгъаныны анълатты, ве Мордекъай падишанынъ огюне кельди.

Эюп акъкъында китап 31:17

Отьмегимни бир озюм ашадыммы? Оксюзлернен пайлашмадыммы?

Эюп акъкъында китап 31:18

Балалыгъындан берли мен оксюзлерге баба киби олып, оларны осьтюрдим, догъгъанымдан берли тул къадынгъа ёл косьтердим.