Эстер 1:13 - Мукъаддес Китап

¹³ Падиша пек ачувланды ве гъазаптан пек къызды. Падиша эр вакъыт озь ишлери акъкъында къанунларны ве акъ-укъукъларны бильген адамларнен акъыл таныша эди. Шунынъ ичюн бу сефер де падиша заманларны бильген икметли адамларнен акъыл танышты.

Эстер 1:13 Referans Kwoze

1 Тарих вакъиалары 12:32

Йиссакъар огъулларындан акъыллы адамлар кельген эди. Олар исраиллилерге не заман нени япмагъа кереклигини биле эдилер. Эписи олып, олар 200 къоранта башлыкълары эди ве бутюн къоранталары оларнынъ эмирлерини беджере бар эди.

Даниял 2:2

Падиша, онъа онынъ тюшлерини икяе этмек ичюн, эписи тылсымджыларны, фалджыларны, ырымджыларны ве къасдийлилерни чагъыртты. Олар келип, падишанынъ огюнде турдылар.

Йирмея 10:7

Халкъларнынъ Падишасы! Сенден ким къоркъмаз? Сенден къоркъмагъа – догъру арекеттир! Халкъларнынъ эписи акъыллы адамлары арасында, эписи падишалыкъларында Санъа ошагъан ёкъ!

Матта 16:3

Саба эрте исе: «Кок къою къырмызы тюсте ве оны булутлар къапаткъан, бугунь фуртуна оладжакъ», – дейсиз. Сиз кок юзюне бакъып, оладжакъ аваны айта билесиз, заманнынъ аляметлерини исе айырып оламайсызмы?

Даниял 5:7

Падиша: «Фалджыларны, къасдийлилерни ве ырымджыларны чагъырынъыз», – деп пек къычырды. Падиша айтып башлады ве Вавилоннынъ акъыллы адамларына: – Ким бу языны манъа окъуса ве онынъ манасыны тарифлесе, онъа ал урба кийдириледжек, бойнуна алтын зынджыр такъыладжакъ. О, падишалыкъта учюнджи адам оладжакътыр, – деди.

Даниял 2:12

Падиша бунъа гъазапланды ве пек ачувланды. О, Вавилондаки эписи акъыллы адамларны къырмагъа эмир этти.

Матта 2:1

Иса Еудие виляетининъ Вифлеем шеэринде догъгъан сонъ, шаркътан Ерусалимге тылсымджы алимлер кельдилер. О девирде Еудиенинъ падишасы Ирод эди.

Даниял 2:27

Даниял падишагъа бойле джевап берди: – Падиша сорагъан сырны падишагъа не акъыллы адамлар, не фалджылар, не тылсымджылар, не де ырымджылар ачып оламазлар.

Эстер 1:12

Лякин Вашти къыраличе везирлернен берильген падишанынъ эмирине бойсунмагъа ве кельмеге истемеди.

1 Тарих вакъиалары 12:33

Зевулун къабилесинден дженкке азыр олгъан, тюрлю силянен силялангъан 50 000 Давуткъа юректен берильген адамлар бар эди.